Spieshert: Soort takbok
Die spieshert (Mazama) is ’n genus van herte.
Hulle is medium tot klein en word in die Yucatan-skiereiland, Sentraal- en Suid-Amerika en die eiland Trinidad aangetref. Die meeste spesies kom in woude voor. Hulle lyk soos die duiker van Afrika en die moentjak van Asië, maar is nie verwant nie. Daar is nege spesies.
| Spieshert | |
|---|---|
-right_01.JPG) | |
| Grys spieshert (M. gouazoubira). | |
| Wetenskaplike klassifikasie | |
| Koninkryk: | |
| Filum: | |
| Klas: | |
| Orde: | |
| Familie: | |
| Subfamilie: | |
| Genus: | Mazama |
| Spesies | |
| Sien teks. | |
Die genusnaam is afgelei van die Sentraal-Mexikaanse woord mazame, die meervoud van mazatl, "hert".
Beskrywing
Die spieshert is klein tot medium, na gelang van die spesie, met stewige lywe en groot ore. Die lengte sonder die stert is 60 tot 144 cm, die skouerhoogte 35 tot 80 cm en die gewig 8 tot 48 kg. Die buitengewoon groot M. americana kan egter tot 65 kg weeg. As hulle gewei (horings) het, is dit klein en eenvoudig. Die pels wissel van rooierig of bruin tot grys.
Spesies en habitat
Die taksonomie van die Mazama-spesies het in die afgelope dekade aansienlik verander. Tot 1999 is net vier erken: M. americana, M. gouazoubira, M. rufina en M. chunnyi. Verskeie subspesies is intussen verhef tot volwaardige spesies sodat daar nou nege erken word in Mammal Species of the World (2005):
- M. americana
- M. bororo
- M. bricenii
- M. chunyi
- M. gouazoubira
- M. nana
- M. pandora
- M. rufina
- M. temama
Die spesies kan rofweg in vier groepe verdeel word volgens grootte, kleur en habitat:
- M. americana en M. temama word gewoonlik in woude aangetref. Hulle is relatief groot tot medium met ’n rooierige pels. Die kop, nek en bene is gewoonlik gryserig tot swarterig.
- M. gouazoubira en M. pandora kom in woude, boslande en struiklande voor. Hulle is van mediumgrootte met bruinerige tot gryserige pelse.
- M. nana, M. bricenii, M. chunyi en M. rufina hou in woude en hooglandgraslande. Hulle is medium tot klein en die pels is rooierig.
- M. bororo word in die Atlantiese woude van Suidoos-Brasilië aangetref. Hulle is wat grootte betref tussen M. americana en M. nana.
Verwysings
Eksterne skakels
- Wiki Afrikaans
Wiki Commons het meer media in die kategorie Spieshert.
- Wiki Afrikaans
Wikispecies het meer inligting verwant aan Spieshert 
Hierdie artikel is vertaal uit die Engelse Wiki
This article uses material from the Wikipedia Afrikaans article Spieshert, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.