Sorabistiek is die wetenskap van die twee Sorbiese taalvariante en hul literatuur.
Sorabistiek as 'n selfstandige wetenskaplike dissipline is in 1933 aan die Karels-universiteit te Praag, Tsjeggië gevestig en word daar tot vandag toe as studievak aangebied.
Die Universiteit van Leipzig in Sakse beskik oor die enigste akademiese instituut vir Sorabistiek in Duitsland. 'n Reeks wetenskaplike publikasies, die Potsdamer Beiträge zur Sorabistik, word deur wetenskaplikes van die Universiteit van Potsdam in Brandenburg uitgegee.
Die geskiedenis van institusionele Sorabistiek in Duitsland het eers met die stigting van die Institut für Sorbische Volksforschung in Bautzen en die Instituut vir Sorabistiek in Leipzig in die 1950's begin. Die wetenskaplike navorsing en studiefasiliteite aan die Universiteit van Leipzig is die enigstes van hul soort. Nogtans is daar 'n dringende behoefte aan gegradueerdes in Neder-Lausitz (Brandenburg) en Bo-Lausitz (Sakse) - twee streke waar Sorbiessprekendes as etniese minderheid amptelik deur die Duitse staat erken word. Sodoende het tussen 20 000 en 40 000 bewoners aanspraak op Sorbiese moedertaalonderrig vir hul kinders.
This article uses material from the Wikipedia Afrikaans article Sorabistiek, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.