Robert Kubica: Renjaer
Robert Józef Kubica (gebore 7 Desember 1984 in Krakau) is 'n Poolse Formule Een-renjaer.
Op 8 Junie 2008 het hy sy eerste Grand Prix op die Gilles Villeneuve-renbaan in Montréal, Kanada vir die BMW-Sauberspan gewen.
| Robert Kubica | |
|---|---|
 Kubica tydens die 2014 Rallye Deutschland | |
| Geboortedatum | 7 Desember 1984 |
| Geboorteplek | Krakau, Pole |
| Nasionaliteit |  Pool |
| Motornommer | 88 |
| Inskrywings | ( begin) |
| Kampioenskappe | 0 |
| Eerste F1-wedren | 2006 Hongaarse Grand Prix |
| Eerste wen | 2008 Kanadese Grand Prix |
| Laaste wen | 2008 Kanadese Grand Prix |
| Laaste inskrywing | 2021 Nederlandse Grand Prix |
| Laaste seisoen | 2019 |
| Verlede jaar plek | 19de (1 punt) |
Op 6 Februarie 2011 is Kubica ernstig beseer in 'n ongeluk tydens die Ronde di Andoratydren, waarin sy regtervoorarm gedeeltelik afgesny is. Hy het vir sy persoonlike genot aan die tydren deelgeneem. Kubica het die Italiaanse koerant La Gazzetta dello Sport in 'n nagtelike onderhoud meegedeel dat hy die vingers aan sy regterhand kon voel, en vasbeslote was om 'n spoedige terugkeer na Formule Een te maak in 2011. Sedert sy herstel, het hy gesê dat 'n terugkeer na Formule Een "byna onmoontlik" was, as gevolg van sy beserings.
Ná Kubica se teruggekeer na wedrenne in September 2012, wen hy 'n klein tydren in Italië. Kubica is benoem as een van die "Manne van die Jaar 2012" deur Top Gear tydskrif vir sy terugkeer na motorsport. In 2013 het hy vir Citroën gejaag in die Europese en Wêreld-tydrenkampioenskap-2. Hy het met sy eerste poging die WRC-2-titel gewen, en het daarna voltyds verskuif na die WRC kampioenskap in 2014, waar hy 'n Ford Fiesta RS WRC bestuur wat voorberei is deur M-Sport.
Nadat die Alfa Romeo-renjaer Kimi Räikkönen 'n positiewe Covid-19-toetsuitslag ontvang het op 4 September by die 2021 Nederlandse Grand Prix, word hy deur Kubica as reserwejaer vervang.
Verwysings
This article uses material from the Wikipedia Afrikaans article Robert Kubica, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.