Nieshout

Dit kom in die volgende lande voor: Angola, Botswana, Eswatini, Mosambiek, Namibië, Suid-Afrika, Tanzanië en Zimbabwe. Hierdie spesie is 'n Monotipiese takson, dit het dus net een spesie wat tot die genus hoort.

Nieshout
'n Nieshout in die Walter Sisulu Nasionale Botaniese Tuin in Roodepoort.
Bewaringstatus
Veilig (IUCN 3.1)
Wetenskaplike klassifikasie
Koninkryk:	Plantae
(geen rang):	Angiosperms
(geen rang):	Eudicots
(geen rang):	Rosids
Orde:	Sapindales
Familie:	Rutaceae
Genus:	Ptaeroxylon
Spesie:	P. obliquum
Binomiale naam
Ptaeroxylon obliquum (Thunb.) Radlk., (1890)
Sinonieme
Harrisonia lentiscoides Boas Kirkia lentiscoides Engl. Ptaeroxylon utile Eckl. & Zeyh. Ptaeroxylon utile f. robustum Szyszył. Rhus obliqua Thunb.

 

 

Dit kan 'n groot boom word in woude, maar is klein in struikwoude, bosveld, klowe of heuwelstreke. Kenmerkend van die boom is die blare wat ewe geveer en teenoorstaande is, met 'n effens gevleuelde ragis. Die bas is aanvanklik lig geelbruin maar bars namate dit groei en onthul dan 'n liggeel bas in die groewe. Manlike en vroulike blomme word aan verskillende bome gedra. Die vrug is 'n plat kapsule wat in twee kleppe oopsplyt wanneer die sade vrygestel word.

Die boom se FSA-nommer is 292.

In die Oos-Kaap en die middellande van KwaZulu-Natal is nieshoutbome vroeër as heiningpale en dwarslêers gebruik. Die kleiner bome word gebruik vir hutkonstruksie omdat hulle termietbestand is.

• Alfabetiese lys van Suid-Afrikaanse bome

• Watter Boom is dit? Eugene Moll 2013 ISBN 978 1 77007 832 1
• REDLIST Sanbi
• Plants of the World Online

• Wiki Afrikaans  Wiki Commons het meer media in die kategorie Nieshout.
• Wiki Afrikaans  Wikispecies het meer inligting verwant aan Nieshout