Mashu-Etnologiemuseum
Die Mashu-etnologiemuseum van die Universiteit van KwaZulu-Natal in Durban vertoon voorbeelde van die stoflike kultuur van die inheemse bevolking van Suider-Afrika.
Dit het tot ‘n internasionaalbekende navorsingsinstelling vir volkekundiges ontwikkel.
Tsjaka se ivoorarmband is die pronkstuk in die groot versameling kralewerk. So ook is daar geelkoperkrale, halskettinkies, halsbande, ‘n Ovambo-koperenkelband en ‘n Ovambo-rok gemaak uit volstruiseierdopkrale. Houtsneewerk soos maskers en grasweefwerk soos eet- en slaapmatte is te sien. Xilofone en ‘n wye verskeidenheid snaarinstrumente word uitgestal. Baie ystersmeewerk en ornamente soos skoffels, Tonga-visvangspiese, graafklippe van die Boesmans, pyle, boë, knopkieries, assegaaie en skilde is te besigtig. ‘n Wye verskeidenheid boeke oor die etnologie is beskikbaar. Alhoewel daar nie baie relevante foto’s is nie, is daar 250 skilderye deur Barbara Tyrrell met verklarende aantekeninge wat die gewoontes, rituele, seremoniële drag en die sosiale drag van die inheemse mense van die suidelike deel van Afrika uitbeeld.
Die museum dra die naam van die suikerpionier Marshall Campbell.
Lees ook
Bibliografie
- Duggan, J.F.: Killie Campbell se weergalose kultuurnalatenskap. In: Lantern. Tydskrif vir Kennis en Kultuur. Jaargang 13, nr. 3, Maart 1974.
- phambo.wiser.org.za
This article uses material from the Wikipedia Afrikaans article Mashu-etnologiemuseum, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.