Periophthalmus is 'n genus van visse met amfibiese gewoontes, ook bekend as klimvisse.
Die verskillende soorte varieer tussen 15 tot 30 sentimeter in grootte. Die langste geregistreerde leeftyd is 6 jaar. In Engels staan die vis bekend as die mudskipper.
Klimvis | |
---|---|
Klimvisse in Gambië. | |
Wetenskaplike klassifikasie | |
Domein: | |
Koninkryk: | |
Filum: | |
Subfilum: | |
Infrafilum: | |
Superklas: | |
Klas: | |
Subklas: | |
Infraklas: | |
Superorde: | |
Orde: | |
Suborde: | Gobioidei |
Familie: | |
Subfamilie: | Oxudercinae |
Genera | |
Apocryptes |
Die vis het 'n stomp kop met 'n gondelvormige langwerpige liggaam. Die oë staan bo-op de kop geplaas en die borsvinne staan laag geleë en funksioneer as staanvoete. Deur middel van kieue en haarvate kan hy in water sowel as op land suurstof inasem.
Die klimvis leef in brak water op land en in die see in baie dele van die wêreld, van Afrika tot Australië en Suidoos-Asië.
Die Suid-Afrikaanse variant (Latyn Periophthalmus kolreuteri) kom naby Port St. Johns in die Oos-Kaap voor, sowel as in Oos-Afrika en in die Stille Oseaan. Sy Latynse naam Periophthalmus kolreuteri is ter ere van Joseph Gottlieb Kölreuter, 'n Duitse plantkundige, benoem.
Die klimvis is merkwaardig vanweë sy amfibiese gewoonte om bokant die watervlak aan rotse of stamme of stingels vas te klou. Vandaar ook sy naam. Dan spring hy weer terug en gly oor die oppervlakte in 'n reeks spronge om daarna in die modder weg te kruip of weg te swem.
Hy verkies mangrovebosse, moerasse en souterige kuswater waar hy op die land na voedsel soek. Die vis kan wel in water swem, maar doen dit nie dikwels nie. Met behulp van 'n buigsame ruggraat kan die klimvis sy rug krom maak en daarmee spronge van omtrent 'n halwe meter maak, om sodoende prooi te vang, of van poel tot poel te beweeg.
Hierdie artikel is in sy geheel of gedeeltelik vanuit die Nederlandse Wiki vertaal. |
This article uses material from the Wikipedia Afrikaans article Klimvis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.