Ferdinand Magellaan: Portugese ontdekkingsreisiger
Ferdinand Magellaan (Portugees: Fernão de Magalhães; Spaans: Fernando of Hernando de Magallanes; Lente 1480–27 April 1521) was 'n Portugese ontdekkingsreisiger wat, in diens van Spanje, probeer het om 'n Weswaartse roete na die Spesery-eilande van Indonesië te vind.
Die soektog was die eerste suksesvolle probeerslag om rondom die wêreld te seil. Magellaan het nie sy finale, Weswaartste reistog voltooi nie; hy was doodgemaak tydens die Slag van Maktan in die Filippyne. Hy het egter verder wes as die Spesery-eilande gesterf en het dié eilande wel op vroeë togte besoek. Hy was een van die eerste persone wat al die meridiane van die aardbol oorgesteek het. Hy was ook die eerste persoon wat 'n ontdekkingstog gelei het deur Asië vanaf Europa te bereik deur weswaarts te seil en ook die eerste persoon om die Stille Oseaan oor te steek.
Ferdinand Magellaan | |
|---|---|
 | |
| Gebore | Fernão de Magalhães 1480 Sabrosa, Trás-os-Montes e Alto Douro, Portugal |
| Sterf | 27 April 1521 Mactan, Filippyne |
| Nasionaliteit | Portugal |
| Beroep | Navigator, ontdekkingsreisiger |
| Bekend vir | Die eerste vaart om die aarde, van Europa tot die ooste en die weste; vir die eerste ekspedisie van Europa na Asië deur die Weste; en vir die kaptein van die eerste ekspedisie oor die Atlantiese Oseaan na die Straat van Magellaan en oor die Stille Oseaan. |
| Handtekening | |
 | |
Van die 270 bemanningslede wat die ekspedisie saam met Magellaan begin het, kon slegs 18 daarin slaag om terug te keer na Spanje en dus die reis om die aardbol te voltooi. Hulle was deur die Spanjaard Juan Sebastián Elcano gelei, wat die leisels oorgeneem het na Magellaan se dood.
Verwysings
This article uses material from the Wikipedia Afrikaans article Ferdinand Magellaan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.