ფერდინანდ მაგელანი
ფერდინანდ მაგელანი, თაშნეშე ფერნანდო მაგელანი დო ფერნან მაგალიაინში (პორტ.
აფუნი 1480, ტრაზ-უჟ-მონტიში, პორტუგალიაშ ომაფე — ღ. 27 პირელი, 1521, კოკი მაქტანი, ფილიპინეფი) — პორტუგალიარი მეზუღე-მარკვიალი, ნამუშ დუდალათ მიხუჯინჷ მაართა წჷმოძინელ მეშარობაქ დიხაუჩაშ მუკი-მუკის. მაგელანს მუშ მეშარობაშ თებაქ ვაჭიშუ; ოღურალო დიჭყოლჷ მაქტანიშ ლჷმას ფილიპინეფს. მარა მოლუკიშ კოკეფიშ ბჟადალშე დოღურჷ დო იკოროცხუ, ნამჷ-და მაართა ადამიერი რდჷ, ნამუქთ დიხაუჩაშ არძა განედი გინოჭკირჷნ. ევროპაშე აზიაშა ბჟადალი მალობათ მიმალ ექსპედიციაქ თიშ დუდალათ მაართათ გჷნოჭკირჷ რჩქალი ოკიანე, ნამუთ ნიშალაშ პერიოდის თინერი რჩქალი რდჷ, ნამჷ-და თის რჩქალი გიოდუ.
| ფერდინანდ მაგელანი | |
| პორტ. Fernão de Magalhães, ესპ. Fernando ვარდა Hernando de Magallanes | |
 | |
| მოღალობა | მეშარე |
|---|---|
| ბიოგრაფიული ჩინებეფი | |
| დაბადებაშ თარიღი | |
| დაბადებაშ აბანი | საბროზა, პორტუგალიაშ ომაფე |
| ღურაშ თარიღი | |
| ღურაშ აბანი | |
| ერუანობა | |
1519 წანაშ 20 ეკენიას, ხუთი ხვამარდიქ: „ტრინიდადიქ“, „სან-ანტონიოსიქ“, „სანტიაგოქ“, „კონსეფსიონიქ“ დო „ვიქტორიაქ“ სან-პახულიანოშ ლუბაშა გემშართეს. სუმი ხვამარდიშ — „ვიქტორიაშ“, „კონსეფსიონიშ“ დო „სან-ანტონიოსიშ“ კაპიტანეფს უჩინებჷ დიხას ზოთოჯალაშა აშქურინეს დო ეარყეს. მაგელანქ „ვიქტორიაშ“ დო „კონსეფსიონიშ“ კაპიტანეფი ღურათ დასაჯჷ, „სანტიაგოშ“ კაპიტანი დო პაპა უდაბურ წყარპიჯის ქჷდახუნუ. ნიში „სანტიაგოქ“ კირდეს აკოცუ, ართ ხვამარდიქ — უკახალე ქეკატყობჷ.
1520 წანას, მეშარეეფქ მიოგორეს რჩქალ ოკიანეშა გიშაულარი ინწრო დო დოკლაკნილი საროტი, ნამუსჷ უკული მაგელანიშ საროტის გიოდვანა. ექსპედიციაქ ქჷმიოჭირინუ ობჟათე ამერიკას დო გეგნორთჷ „უჩინებ დიდ ზუღაშა“, ნამუსჷთ რჩქალი ოკიანე გიოდესჷნ.1521 წანას, ექსპედიციაქ მარიანაშ დო ფილიპინიშ კოკეფს ქჷმიოჭირინუ. ობჟათე-ბჟაეიოლი აზიაშ წყარპიჯის მადვალუ კოკი მაკ-ტანწკჷმა ფერდინანდ მაგელანქ დინოხოლენ ლჷმეფს ქაკათჷ დო დოღურუ. ექსპედიციაშ 250 მაკათურშე ხვალე 18-ქ მახუჯინ ესპანეთშა დორთაქ დო დიხაუჩაშ ელმოლიშ გიშულაქ. თინეფს დუდენდჷ ბასკი ხუან სებასტიან ელ-კანო, ნამუქჷთ ექსპედიციაშ წჷმინჯღვერუა მაგელანიშ ღურაშ უკული იდუდჷ. თე მეშარობათ დედგინჷ დიხაუჩაშ სფერულობაქ, ართამი მოსოფელიშ ოკიანეშ არსებობა დო თინა ხოლო, ნამჷ-და დიხაუჩას ოკიანეეფს უმოს მეტი ფართობი უკებჷნა, ვინძო სქირონას.
რესურსეფი ინტერნეტის
- მაგელანიშ ორდოიშიანი ღურა ფილიპინეფს from History House.
- EXPEDICIÓN MAGALLANES - JUAN SEBASTIAN ELCANO
- ფერნანდო მაგელანი - ბრიტანიკა
 | თე სტატია პიჯიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |
This article uses material from the Wikipedia მარგალური (Margaluri) article ფერდინანდ მაგელანი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.