მონიტორი გოთოლწონაფილიე ტექსტური დო გრაფიკული ინფორმაციაშ გჷმოსახალო.
თინეფს შეულებუნა იმუშუან ტექსტურ ვარა გრაფიკულ რეჟიმს.
ტექსტურ რეჟიმიშ მუშობაწკჷმა ეკრანი პირობითო ირთუ საგანოეფო. ეკრანს ართჟამიერო შილებე გიმოღალირქ იჸუას ართი სიმბოლოქ 256 ოწმოხ ჩინებულ სიმბოლოშე. თე სიმბოლოეფს ორხველჷ ასოეფი, ციფრეფი დო შხვა. ოკო ეიშანას, ნამუდა გოშაღალარი სიმბოლოეფიშ მუდანობა 256-ით გოხურგილი ვა რე. თიმ დო ართი კოდის რეჟიმიშ მეჯინათ ეკრანს შილებე შხვადოშხვა სიმბოლოეფი მეურდასჷნ. გრაფიკულ რეჟიმს მონიტორი რასტრის წჷმარინუანს, ნამუთ პიქსელეფშე აკმოდირთუ. მონიტორიშ უნარს, ართჟამიერო ჰორიზონტალურო დო ვერტიკალურო ესახილქ იჸუას პიქსელეფიშ გარკვეულ მუდანობაქ, მონიტორიშ გიშაგორინს უძახჷნა. გჷმოთქუალა „მონიტორიშ გიშაგორინი 800x600“ შანენს, ნამუდა მონიტორის შეულებუ გიმიღას 600 ჰორიზონტალური დო 800 ვერტიკალური ჭურჭული (პიქსელი). მონიტორიშ რეალური გიშაგორინი თაშნეშე მუკობუნელი რე ვიდეოადაპტიშა.
არსებენს ჟირი ტიპიშ მონიტორი: ოწიმაია კრისტალს დო ელექტრონულ ჩხორიულ მილაკის. ოწიმაია კრისტალიშა ეგაფილ მონიტორეფს მორჩილი წონა დო გეომეტრიული ზჷმა უღჷნა, მიხვარუანა მორჩილო ჟირფათ ნორკებ ელექტროენერგიას.
უმოსო მონიტორი ზოროხინელი ბლოკიე. მონიტორიშ ყუთიშა ეკრანი სპეციალური სამარგეფითიე დამარგებული. თინეფი გაბრას არზენა მახვარებუეფს დარინუან თინა ოკორნაფალი კუნთხუთ. ყუთიშ დინოხოლე კვებაშ ბლოკი დო ეკრანს გჷმოსახულაფაშ ფორმირაფაშო ოხვილური ელქტრული სქემეფიე.
თეხანურ პერსონალურ კომპიუტერეფის ეკრანიშ მუშობაშ ვადაშ ოხანგინძორაფალო დო ელექტროენერგიაშ ოზოგალო გჷმოგონილიე სპეციალური პროგრამულ-აპარატული მეთოდეფი. გარკვეული ჟამიშ მალობას მუმახვარებუ ვა ასრულენს სამუშას-და, ოჭყაფუს ოპერაციულ სისტემას გიმუღჷ ეკრანშა სპეციალური სურათეფი, დო მოგვიანაფათ მონიტორი გინოჸუნს ელექტროენერგიაშ ეკონომიური ხარჯებაშ, თ.ჯ. „ჯინაშ“ რეჟიმშა.
This article uses material from the Wikipedia მარგალური (Margaluri) article მონიტორი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.