მარაკუია

მარაკუიაშ გუმნაღელიშ ფორმა კვარკვალია ვარ-და ოვალური რე. რე მარაკუიაშ ნერგვარობეფი ჸვინთელი, ჭითა, იაიაშფერი დო წვანე ფერით. გუმნაღელს წვენამი ატატა უღუ ანდა მუდანობაშ თასით.

მარაკუიაშ ოჭკომალო რგებული სახეგვარობეფი შილებე დობრთათ სუმ თარ ტიპო: იაიაშფერი ( Passiflora edulis-იშ გვარობაშ გუმნაღელი Sims, ჩინებული, მუჭოთ ოჭკომალი პასიფლორა ვარ-და იაიაშფერი გრანადილა), ჸვინთელი (Passiflora edulis f. flavicarpa Deg.) დო გიგანტური გრანადილაშ გუმნაღელი (ვარ-და ოთხკუნთხური პასიფლორა, ლათ. Passiflora quadrangularis L.; თიშ გუმნაღელშა თაშნეშე გიგანტური მარაკუია უჯოხონა).

ადამიერშო მარაკუია ნოშქერწყარეფიშ, კერატინიშ, ვიტამინი C-შ დო, რკინაშ წყუ რე. გიმნაღელეფს გჷმირინუაფჷ ატატა, თაშნეშე გითმოწირჷნა წვენს. ოშქაშე ზჷმაშ გუმნაღელიშ კალორიულობა — 68 კკალ 100 გრამშა. გუმნაღელს წვენიშ აკოდგინალუა — 25—40%.

მარაკუიაშ გუმნაღელეფი ახალ მუკნაწილათ გჷმირინუაფჷ, რჩქვანელობურო შქას გჷთმოჭკირჷნა დო ატატას კიზით ჭკომჷნა. მარაკუიაშ გუმნაღელეფშე აკეთენა წვენს, პავიდნოს, გჷმირინუანა კონდიტერულ ნაწარმეფს, გეთმუძინანა იოგურტის დო ნაჸინას.