თხითხუ-კრისტალური მონიტორი
თხითხუ-კრისტალური მონიტორი (თკმ) (კინ, მუთ თხითხუ-კრისტალური დისპლეი (თკდ), ინგლ.
liquid crystal display, LCD, ბირტყა ინდიკატორი) — ბირტყა მონიტორი თხითხუ კრისტალეფიშ ოსხირით.
LCD TFT (ინგლ. thin film transistor — თხითხფირიანი ტრანზისტორი) — თხითხუ-კრისტალური დისპლეიშ ართ-ართი ჯოხოდვალა, ნამუსჷთ თხითხფირიანი ტრანზისტორით მართილი აქტიური მატრიცა გჷმირინუაფუ. TFT გჷმამანგარაფალი ირი სუბ-პიქსელშო მალქიმინჯალაშ ეიოკინალო, თაშნეშე დისპლეიშ გჷმოხანტუალაშ სიწკონდარეშო დო კონტრასტულობაშო გჷმირინუაფუ.
თკ-მონიტორიშ დოშანაფა
თხითხუ-კრისტალური მონიტორიშ დოშანაფა კომპიუტერშე, TV-მემაღებეშე, ციფრული ფოტოაპარატშე, ელეტრონული მათანგალშე, კალკულატორშე დო შხვ. გრაფიკული ინფორმაციაშ გჷმოხანტუა.
გჷმოხანტუალა შხვადოშხვა ელემენტიშ მეშქაშობათ გჷმიქიმინუ, მუჭოთ წესი, გოფაჩუაშ სისტემათ. უბრალო ხეჭკუდის (ელექტროსათი, ტელეფონი, ფლეიერი, თერმომეტრი დო შხვ) შილებე უღუდან მონოქრომული ვარდა 2-5 ფერიანი დისპლეი. მიარეფერი გჷმოხანტუალა გჷმიქიმინუ RGB-ტრიადეფიშ მოხვარათ. ასეშო (2008) TN- (კანკალეშა *VA) მატრიცეფიშ ოტაბაკე მონიტორეფს დო არძა ნოუთბუქის გჷმირინუაფუ მატრიცეფი 18-ბიტიანი ფერიშ ხარისხით (6 ბიტი ირ არხის), 24-ბიტიანობა იემულირებუ ჭვარჭვალით დო დიზერინგით.
თკ-მონიტორიშ მონწყილობა
თკ-მონიტორიშ არძა პიქსელი აკმოდირთუ მოლეკულეფიშ ფენაშე ჟირი გჷმაჭვირე ელექტროდის დო ჟირი პოლარიზაციულ ფილტრის შქას, ნამუეფიშ პოლარიზაციაშ ობირტყა (მუჭოთ წესი) პერპენდიკულარული რე. თხითხუ კრისტალეფიშ ვაარსებობაშ ბორჯის მაართა ფილტრიშით გოტებულ სინთეს, მაჟირა ბლოკუნს (გინმოკილანს).
This article uses material from the Wikipedia მარგალური (Margaluri) article თხითხუ-კრისტალური მონიტორი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.