ფარერიშ კოკეფი (ფარერულო Føroyar, დანიურო: Færøerne) — სუბარქტიკული კოკეფიშ ბუნა, ნამუთ აშაძჷ ნორვეგიაშ ზუღას, ატლანტიშ ოკიანეს, მეხოლაფირო დიდი ბრიტანეთი დო ისლანდიაშ შქას.
ფარერიშ კოკეფი რე დანიაშ ომაფეშ პროტექტორატიშ თუდო. ქიანაშ ფართობი რე 1,400 კვ.კმ. ოხორანს მეხოლაფირო 50.000 კოჩი (2010 წანაშ მუნაჩემეფით). ფარერიშ კოკეფი დანიაშ ომაფეშ ავტონომიური პროვინცია რე 1948 წანაშე. ფარერიშ კოკეფი რდჷ ნორვეგიაწკჷმა ასოცირაფილი 1930 წანაშახ.
ფარერიშ კოკეფი | |
---|---|
ნანანოღა | ტორსჰავნი |
უდიდაშ ნოღა | ტორსჰავნი |
ოფიციალური ნინეფი | ფარერული, დანიური |
ფართობი | 1,399 კმ²(180-ა) |
მახორობა | 48,500 (214-ა) |
ვალუტა | ფარერეფიშ კრონა (DKK) |
ქიანაშ კოდი | FRO |
ოტელეფონე კოდი | +298 |
ფარერეფიშ ორდოიანი ბორჯიშ ისტორია ვა რე ჯგირო გჷთოგორილი. მერჩქინელი რე, ნამდა გაელი ბერეფქ ჰიბერნო-შოტლანდიური მისიაშე დიხორეს მა-6 ოშწანურას. ართი ვერსიათ, 650 წანაშო ნორსეფქ დიხორეს ფარერიშ კოკეფს. მერჩქინელი რე, ნამდა ჯვეში ნორსეფიშ ნინაშა იჩიებუნა ამდღანერი ფარერალეფი.
მერჩქინელი რე, ნამდა თე მახორუეფქ მორთეს სკანდინავიაშ ჩქონშე.
ფარერიშ კოკეფი დანიაშ კონტროლიშ თუდო რდეს 1388 წანაშე. 1814 წანას გირთეს დანიაქ დო ნორვეგიაქ დო ნორვეგიაქ ქჷმოხვადჷ შვედეთიშ მაფაშ კონტროლიშ თუდო. თე ბორჯის ფარერიშ კოკეფქ, ისლანდიაქ დო გრენლანდიაქ გინილეს დანიაშ დორხველობაშა.
მაჟირა მოსოფელიშ ლჷმაშ ბორჯის ფარერეფქ გინირთჷ დუდიშულო დანიაშე. 1946 წანაშ 14 ეკენიაშ რეფერენდუმით ფარერალ კათაქ დადასურჷ, ნამდა ოკოდეს დანიაშ ომაფეშ ავტონომიაქ იჸუკო ფარერიშ კოკეფქ. 1948 წანაშე ფარერეფს ქიმიაჩჷ დინოხოლენ საქვარეშე ზოხორინალაქ.
ადმინისტრაციულო, ფარერეფი ირთუ 34 მუნიციპალიტეტო.
This article uses material from the Wikipedia მარგალური (Margaluri) article ფარერიშ კოკეფი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.