სკუნსი
სკუნსი (ლათ. Mephitis mephitis) — მახვამილაფარი ძუძუშმაწუალი კვინორიშობურეფიშ ფანიაშე.
თიში რსხულიშ სიგჷრძა 28-38 სმ, კუდელიშ — 18—44 სმ, მასა —0,8—2,5 კგ ოჭირინუანს. ნარჩათმალიე. ოფორალი ქინჩილორამი დო ხვეხვერია უღჷ, გჷშაკერძაფილო კუდელს. ფერო უმოსი უჩა-ჩე რე. კუდელიშ ჯინჯის უღჷ ჯარკვალეფი, ნამუეფით გჷთმოჩანა შურამ ღვანდის. ოშქურანჯი შვანს სკუნსი თე ქვანთის გჷთმოჩანს გიმანთხაფალიშ გეზათ. გოფაჩილიე ობჟათე კანადაშე ცენტრალურ ამერიკაშახ. ოხორანს ნერი-ნერი ორგუაშეეფს. ეთმიჯუმუაფუ ჭიე-ჭიე ძუძუშმაწუალეფით დო მაფურინჯეეფით, ფარფალეფით. იბრელებუ ზოთნჯიშ ლიას. მაკეობა 63 დღაშახ იგინძორებჷ. 4—10 გამნარყას ხანს. ართი წანერი სქესობურო იმონჭებუ. სკუნსის ძვირფასი ბოწოწი უღჷ.
ლიტერატურა
- ჯანაშვილი ა., ქორთული სხუნუეფიშ ენციკლოპედია, ტ. 7, ხს. 240, ქართი, 1984 წანა.
This article uses material from the Wikipedia მარგალური (Margaluri) article სკუნსი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.