Chriacus
Chriacus is 'n uitgestorwe soogdier wat gewoonlik in die familie Arctocyonidae geplaas word.
Hierdie dier se fossiele word van die vroeë Paleoseen tot die vroeë Eoseen in Noord-Amerika aangetref. Chriacus is een van die bekendste lede van die asbliktakson "Condylartha". Daar is 'n amper komplete skelet gevind. Die diere het baie soos die huidige Suid-Amerikaanse neusbeertjies (Nasua) gelyk.
| Chriacus | |
|---|---|
 | |
| Wetenskaplike klassifikasie | |
| Koninkryk: | |
| Infraklas: | |
| (geen rang): | Ferae |
| Superorde: | |
| Familie: | Arctocyonidae (polifileties) |
| Subfamilie: | Chriacinae |
| Genus: | Chriacus Edward Drinker Cope 1883 |
Klassifikasie
Chriacus vorm saam met Prothryptacodon en Thryptacodon die onderfamilie Chriacinae binne die Arctocyonidae. Prothryptacodon het van die Laat-Puercan tot die Laat-Tiffanian in die westelike binneland van Amerika geleef. Thryptacodon het in die Midde-Torrejonian verskyn en het tot in die Vroeë-Bridgerian oorleef, maar dit is veral bekend van gedeeltelike skelette uit die Willwood-formasie se Wasatchian. Die liggaamsbou van Thryptacodon het veel ooreenkomste met Chriacus, hoewel die enkelgewrigte minder fleksibel is. Hierdie dier is nogtans eweneens 'n vaardige klimmer. In die verlede is Chriacus ingedeel by die Oxyclaeninae, maar hierdie indeling is verlate.
Spesies
| Epog | NALMA | Ouderdom (mj gelede) | Spesies | |
|---|---|---|---|---|
| Eoseen | Bridgerian | 50,0 – 46,4 | ||
| Wasatchian | 55,5 – 50,0 | C. badgleyi, C. gallinae | ||
| Paleoseen | Clarkforkian | 56,4 – 55,5 | ||
| Tiffanian | 60,5 – 56,4 | C. baldwini, C. metocometi, C. oconostotae, C. pelvidens | ||
| Torrejonian | 62,5 – 60,5 | C. baldwini, C. katrinae, C. pelvidens, C. punitor | ||
| Puercan | 66,0 – 62,5 | C. calenancus | ||
| Kryt | Lancian | 70,6 – 66,0 | ||
| Fossiel voorkomen van Chriacus | ||||
PETM
Daar het aan die einde van die Paleoseen (56 mj gelede) 'n skielike opwarming van die planeet se klimaat opgetree, wat groot invloed op die planeet se lewe gehad het. Hierdie tydperk word die PETM-voorval (Paleoseen-Eoseen termiese maksimum) genoem. Hierdie voorval het ook die dierewêreld in westelike Amerikaanse binneland gewysig. Hier word hierdie tyd die Wasatchian-0 genoem en dit word gekenmerk door die koms van moderne primate, hyaenodonte, onewehoeviges en ewenhoewige. Hulle het die gebied moontlik uit Asië bereik. Hierdie immigrante vorm amper die helfte van die soogdierfossiele uit die Vroeë Wasatchian. Daar word nogtans te midde van hulle party oorblywende spesies uit die Paleoseen aangetref. Een van hulle is Chriacus badgleyi wat tydens die Wasatchian-0 geleef het. Hierdie spesie is bekend van fossiele tande en kaakmateriaal uit die Willwood-formasie in die Bighorn-bekken van Wyoming. C. badgleyi was die volopste arctocyonied in hierdie tyd. Dit was 'n klein spesie en 26 tot 37% kleiner as C. oconostotae en C. pelvidens en 18 tot 24% kleiner as C. gallinae later in die Wasatchian aangetref word. C. badgleyi volg hiermee die patroon van verdwerging van verskeie soogdiere in Bighorn-bekken tydens die PETM. Talle herbivore en karnivore was kleiner as hulle verwanten uit dieselfde genus uit die Laat-Clarkforkian en/of later dele van die Wasatchian.
Fotogalery
-
Tande en dybeen van C. baldwini -
Tande van C. gallinae -
Beendere van C. gallinae
Verwysings
Hierdie artikel is (gedeeltelik) vertaal uit die Nederlandse Wiki. Sien bron.
This article uses material from the Wikipedia Afrikaans article Chriacus, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.