Braam Raubenheimer
Abraham Jacobus (Braam) Raubenheimer (1920-2014) was 'n voormalige Suid-Afrikaanse politikus en die minister van Waterwese en Bosbou in die kabinet van president John Vorster.
| Braam Raubenheimer | |
Minister van Waterwese en Bosbou | |
| Ampstermyn 1976 – 1980 | |
| President | John Vorster |
|---|---|
| Voorafgegaan deur | Fanie Botha |
| Opgevolg deur | Cornelis van der Merwe |
Persoonlike besonderhede | |
| Gebore | 12 Oktober 1920 Vryburg |
| Sterf | 8 Julie 2014 (op 93) |
| Politieke party | Nasionale Party |
| Kiesafdeling | Nelspruit |
| Eggenoot/-note | Charmaine Raubenheimer |
Raubenheimer is in 1920 naby Vryburg gebore. Hy het in 1938 aan die Hoërskool Belfast gematrikuleer en daarna die graad BSc Agric aan die Universiteit van Pretoria verwerf.
Hy was vanaf 1966 tot 1980 LV vir Nelspruit, vanaf 1971 tot 1976 adjunkminister van Bantoe Ontwikkeling en vanaf 1976 tot 1980 Minister van Waterwese en Bosbou.
'n Dam in die Krokodilrivier naby Lydenburg is na hom vernoem. Die dam se naam is later na die Kwenadam verander.
Hy is ook die skrywer van die boek "My Afrikaner Pad & Nalatenskap", wat in 1999 verskyn het.
Raubenheimer is op 8 Julie 2014 op 93-jarige ouderdom aan kanker oorlede. Hy word deur sy vrou en vyf dogters oorleef.
Verwysings
This article uses material from the Wikipedia Afrikaans article Braam Raubenheimer, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.