Ariarathes IX Eusebes Filopator (Grieks: Ἀριαράθης Εὐσεϐής Φιλοπάτωρ) was van 101 v.C tot 95/89 v.C koning van Kappadosië.
Hy is deur sy pa, koning Mithridates VI van Pontus, op die troon geplaas ná die moord op Ariarathes VII, die oudste seun van Ariarathes VI. Die Kappadosiese adel het egter in opstand gekom teen hulle en Ariarathes VII se jonger broer, Ariarathes VIII, op die troon geplaas.
Ariarathes IX Eusebes Filopator | |
---|---|
Koning van Kappadosië | |
Tydperk | 101 – 95/89 v.C. |
Grieks | Ἀριαράθης Εὐσεϐής Φιλοπάτωρ |
Huis | Ariathide |
Voorganger | Ariarathes VII Ariarathes VIII |
Opvolger | Ariarathes VIII Ariarathes VIII |
Vader | Mithridates VI |
Moeder | onbekend |
Vrou | onbekend |
Kinders | onbekend |
Geloof | Griekse mitologie |
Mithridates het Ariarathes in 96 v.C. uit die koninkryk verdryf en sy seun op die troon teruggeplaas. Hy het aan die Romeinse Republiek voorgegee dat die seun ’n derde seun van Ariarathes VI was. Die Romeine het egter aan die Kappadosiërs hul vryheid gegee en in 95 v.C. gelas dat Ariarathes IX van die troon gesit word. Ná ’n kort periode van direkte regering deur Pontus en ’n kort herstel van Ariarathes VIII se bewind, het die Romeine probeer om die republiek te herstel.
Die Kappadosiërs wou egter ’n koning hê. Ariarathes VIII het intussen ’n natuurlike dood gesterf en weens die dood van albei Ariarathes VI se seuns was die koninklike familie van Kappadosië uitgesterf. Die Romeine het die Kappadosiërs toe toegelaat om te kies wie hulle wil as koning. Hulle het Ariobarzanes I Philoromaios gekies.
This article uses material from the Wikipedia Afrikaans article Ariarathes IX, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.