直布羅陀海峽(粵拼:zik6 bou3 lo4 to4 hoi2 hap6) (阿拉伯文:مضيق جبل طارق;西班牙文:Estrecho de Gibraltar)係英國屬地直布羅陀同摩洛哥之間嘅海峽,分隔開大西洋同地中海。
呢個海峽係因為東北邊嘅直布羅陀港先至改咗噉嘅名。喺公元711年,丹基路總督同埋北非摩爾人——他里賈帶咗啲軍隊嚟過咗條海峽,就企喺而家嘅直布羅陀港口嗰嚿石度指揮打仗,結果就剷走咗成100,000幾人嘅西班牙軍隊。為咗記念贏咗呢場仗,他里賈就命令喺佢指揮打仗嗰嚿石度起咗座城堡,重將座山改咗名嗌「直布他里賈」,而呢座城堡喺阿剌伯話入面就係「他里賈山」噉解。後嚟歐洲人就將佢個名音譯咗,嗌「直布羅陀海峽」。
呢條海峽完全整咗個歐洲、非洲、大西洋同埋地中海之間嘅陸海天然交界。海峽嘅北邊就係西班牙嘅安達盧西亞地區;南邊就係摩洛哥;西邊就係望都望唔到邊嘅大西洋;東邊就係世界上最大嘅內陸海——地中海。
海峽全長58公里;闊15——43公里;最窄嗰度有14.3公里;水深280——900米。呢條海峽喺大西洋同地中海嚟講,好似佢哋嗰條咽喉咁緊要。
其中全長方面,最西邊從西班牙嘅特拉法加角同摩洛哥嘅斯帕特爾角度開始,一直向東去到西班牙嘅歐羅巴角同摩洛哥嘅阿米拿半島嗰邊。
直布羅陀海除咗有佢嘅內陸風暴之外,重成日吹東風或西風嘅,因為佢有從西邊去到東邊嘅洋流,喺海峽度唔停噉猛咁輸啲水入去地中海度。而地中海入面比較鹹同埋比較重嘅海水,就喺122米深嘅海水度流咗入大西洋嗰邊,而且入得比較多,出得比較少。噉就保證嗮成個地中海啲水嘅穩定性,唔會萎縮到好似個「鹽海」噉。主要係海底有嚿卡馬利勞岩床響度,而呢嚿岩床響海底水深280米嗰邊。
直布羅陀海峽因為同地中海、大西洋接埋一齊。佢係地中海地區經過大西洋再去到南歐、北非同埋西亞嘅緊要路線。喺1889年嘅蘇伊士運河通咗航之後,尤其係波斯灣嗰邊嘅油田攞咗開發之後,佢重係一個好緊要嘅戰略地位。因為佢每日都有成幾百部到幾千部船成日行過呢條海峽嘅。
This article uses material from the Wikipedia 粵語 article 直布羅陀海峽, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 呢度嘅所有文字係根據 CC BY-SA 4.0 牌照嘅條款發佈;可能會有附加嘅條款。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 粵語 (DUHOCTRUNGQUOC.VN) is an independent company and has no affiliation with Wiki Foundation.