英文: 印歐語系日耳曼語族嘅語種,講喺以英美為首嘅圈,亦係現代世界嘅國際通用語言

英文(Ying1man4-2)(英文:English;英文讀音:),又叫英語或者英格蘭話,係屬於印歐語系日耳曼語族西日耳曼語支嘅一種語言,發源於中世紀早期嘅英格蘭。英文呢種語言個英文名係嚟自盎格魯人(Angles)-盎格魯人係喺古代由歐洲大陸移居去大不列顛島嘅盎格魯、撒克遜、朱特部落嘅日耳曼話演變出嚟,後來以英國嘅殖民傳播到世界各地。

英文
English
發音[ˈɪŋɡlɪʃ]
用嘅國家、地區澳洲加拿大愛爾蘭紐西蘭英國美國南非菲律賓星架坡等等近 140 幾個國家同地區
區域主要係西歐北歐北美大洋洲以及西印度群島部分地區
講嘅人口第一語言:3 億 3,549 萬 1,748
第二語言:5 億 500 萬
排名第三或者四(母語)(同西班牙文人數接近)
總人數第二
系屬
文字拉丁字母
官方地位
官方語言73 個國家同地區、歐盟聯合國以及好多嘅國際組織。詳見英文圈
管理機構冇,不過牛津英文辭典起到權威作用
語言代碼
ISO 639-1en
ISO 639-2eng
ISO 639-3eng
SILENG
英文圈
英文圈
官方語言兼第一語言
係官方語言,但唔係第一語言

由於喺歷史上曾經同多門語言接觸,佢嘅詞彙來源由一元變為多元,文法由多屈折變為少屈折,語音亦都有咗規律性嘅變化。根據以英文作為母語嘅人數嚟計,英文可能係世界上第三大或者第四大語文(1999年統計為3億8千萬人),但佢係世界上用得最廣泛嘅第二語文。上兩個世紀英國同美國喺文化、經濟、軍事、政治同埋科學上嘅領先地位令到英文變成一種標準國際語言。英文係聯合國嘅工作語言之一。

粵語習慣

粵文化人口流行用「英文」呢個配搭來泛指「English」,而「English language」對應嘅係「英國語文」;後者多數會簡稱為前者。

舊陣時,粵人會以「雞腸Gai1coeng4-2」借代睇唔明嘅種種横寫西洋草書,家陣尤其會用嚟諧稱任何形式嘅「英文」。

英文本身

英文自稱「English」,而呢個名嘅詞源係「Angle」。喺古英文,自稱係「Englisc」,而「Angle」對出係「Engle」。呢個詞源係一個日耳曼部落嘅名,佢哋原先住喺而家德國北部日德蘭嘅Angeln地方,後來喺5世紀時移民去英倫。佢哋係以祖地嘅名來做部落名,並且攞呢個名來自稱自己、包括自己講嘅話以及新住嘅地方。喺英文,「angle」有個意思係「鉤」,呢個就係佢哋祖地名嘅意思,因爲佢哋笪祖地喺日德蘭嘅海邊,嗰笪地嘅樣好似個魚鉤噉。

譯到漢字

英文: 語系分類, 歷史, 地理分佈 
EN (ISO 639-1)

喺漢字文化圈嘅各種語文,都將呢種語文叫做「英」,比如中文嘅「英文」、日文嘅「英語えいご」、韓文嘅「英語영어」、越南文嘅「㗂英tiếng Anh」。呢個「英」字來源自「英吉利」,即係英國舊時嘅中文譯音名,喺漢字文化圈未完全衰弱時,呢個譯名通過漢字傳輸到各種語文。「英吉利」呢個名到而家中文都重用緊,比如英吉利海峽,照計「英文」都可以寫全名做「英吉利文Jing1gat1lei6man4-2」,不過而家一般都係叫「英文」或者「英語」。

比較特別嘅係,喺漢字文化圈向心力弱咗之後,日文同韓文都將原先用漢字寫嘅西方地名、人名轉嗮用假名、諺文來表記,唯有「英語」等少數詞例外。比如喺譯做「英語」嘅同期,日文同韓文將「法文」譯做「佛語」(日文:仏語、仏蘭西語;韓文:佛語불어),將「西班牙話」譯做「西語/西班牙語」(日文:西語、西班牙語;韓文:西語서어),而家佢哋都轉嗮用表音文字來寫,比如「法文」(日文:フランス語;韓文:프랑스어)、「西班牙文」(日文:スペイン語;韓文:스페인어)。從中可見英文喺東亞地區嘅至尊地位。

語系分類

英文: 語系分類, 歷史, 地理分佈 
西日耳曼語支,英文喺左下角

歷史

英文大致經歷過古英語、中古英語同近代英語各個時期先至演變成今日嘅現代英語。

古英文

中古英文

帝舵英文

現代英文

地理分佈

音系

文法

詞彙

英文: 語系分類, 歷史, 地理分佈 
英文詞彙組成

詞源

印歐語系詞源

英文借詞嘅詞源好廣泛。古英文大部分來自日耳曼詞源。後嚟由於受到法文嘅影響,有大量嘅法文詞彙,另外拉丁文、希臘文詞彙亦佔相當大比重。而家英文作爲國際語言,有好多來自世界各地嘅語言嘅詞彙加入到英文。

有估計話現代英文入面有成 80% 嘅字都係借詞,當中仲不乏啲日常生活會用到嘅字,例如 café(指咖啡室噉解)呢隻字就源自法文;而且英文亦都出咗名會由第啲語言度借行話詞彙嚟用,例子可以睇吓樂理(多嚟自意大利文嘅字詞)同埋芭蕾舞詞彙(多嚟自法文嘅字詞)-噉係因為意大利同法國分別將音樂同芭蕾舞搞到有聲有色,所以英格蘭人就大舉攞佢哋啲詞彙嚟用,直接噉將佢哋啲字當係英文字噉嚟用。

中文詞源

英文亦有少量詞語由中文而嚟,例如嚟自粵語嘅「kung fu」、「chow mein」,重有國語同埋閩南話嘅借詞。例子有:

粵語嘅英文借詞

由於英國同美國先後成爲世界超級大國,英文成爲世界上影響力最大嘅語文,目前英文喺世界語言體系中係唯一嘅絕中心語言(Hypercentral language),所以粵語無可避免會受英文影響;再加上香港做過英國嘅屬領,至今英文都係香港嘅官方語言,而喺廣州亦有廣州英租界,所以粵語吸入咗幾多英文借詞,而英文亦係粵語第一大外來詞源頭。下面係一啲舉例:

  • 巴士 = bus
  • 的士 = taxi
  • 芝士 = cheese
  • 忌廉 = cream
  • 結他 = guitar
  • 菲林 = film
  • 卡通 = cartoon
  • 梳化 = sofa
  • 燕梳 = insure
  • 沙龍 = salon
  • 咭/卡 = card
  • 咪高峯 = microphone
  • 的士高 = disco
  • 歇斯底里 = hysteria
  • 士多啤梨 = strawberry
  • 車厘子 = cherry
  • 漢堡 = hamburger
  • 士多 = store
  • 桑拿 = sauna
  • 老笠 = rob
  • 波 = ball
  • 批 = pie
  • 布冧 = plum
  • 朱古力 = chocolate
  • 拔蘭地 = brandy
  • 布甸 = pudding
  • 沙丁魚 = sardine
  • 三文魚 = salmon
  • 沙律 = salad
  • 撻 = tart
  • 奶昔 = milkshake
  • 班戟 = pancake
  • 多士 = toast
  • 吞拿魚 = tuna
  • 三文治 = sandwich
  • 曲奇 = cookie
  • 威化餅 = wafer
  • 啫喱 = jelly
  • 免治 = mince
  • 賓治 = punch
  • 士碌架 = snooker
  • 士擔 = stamp
  • 巴仙 = percent
  • 泡打粉 = powder
  • 一骨鐘 = a quarter
  • 摩登 = modern
  • 畸士 = case
  • 嗮士 = size
  • 盎司 = ounce
  • 波士 = boss
  • 鋪士 = pose
  • 士巴拿 = spanner
  • 軚 = tyre
  • 柯打 = order
  • 摩打 = motor
  • 比堅尼 = bikini
  • 拉臣 = license
  • 花臣 = fashion
  • 茄喱啡 = carefree
  • 飛 = fare
  • 基 = gay
  • 領呔 = tie
  • 杯葛 = boycott
  • 冇得揮 = fight
  • 唱銀紙 = change
  • 沙紙 = certificate
  • 笨豬跳 = bungee jump
  • 嘉年華 = carnival
  • 肥佬 = fail
  • 茶堡 = trouble
  • 天拿水 = thinner
  • 古龍水 = cologne
  • 水喉 = hose
  • 剔 = tick
  • 冧巴 = number
  • 嘜頭 = mark
  • 泊車 = park
  • 士的 = stick
  • 山埃 = potassium cyanide
  • 巴打 = brother
  • 卡士 = cast

文字系統

方言同口音

文獻

  • Crystal, David (2003a). English as a Global Language (2nd ed.). Cambridge University Press.
  • Wardhaugh, Ronald (2010). An Introduction to Sociolinguistics. Blackwell textbooks in Linguistics; 4 (6th ed.). Wiley-Blackwell.

連出去

Tags:

英文 語系分類英文 歷史英文 地理分佈英文 音系英文 文法英文 詞彙英文 文字系統英文 方言同口音英文 文獻英文 連出去英文Help:英文嘅國際音標讀音中世紀印歐語系大不列顛島日耳曼語族歐洲大陸盎格魯人英格蘭西日耳曼語支語言

🔥 Trending searches on Wiki 粵語:

日本標準時間黑社會 (電影)容偉業陳自瑤胡瀞詩丘靜雯喼汁張津瑜蘇雅琳陰道李敏 (演員)廖子妤長沙灣香港太空館中華民國香港政區盛勁為女主播向世界揾食馬田 (YouTuber)廣府話屙尿袁綺雯黃鶴樓苗族姑媽突變神隱少女耶穌受難節崖山海戰小紅書大樹菠蘿翡翠平方米FHProductionHK吳海昕國立聯合大學TOMORROW X TOGETHER頂你個肺拿破崙李修平雲浩影香港國家安全法適者生存 (電視節目)數學符號茼蒿灣仔西營地十誡蜜袋鼯劉備向日葵上海無綫新聞部主要人員名單經濟用語梁振英真相飛蛾黃地峒林子祥李賢 (香港)法拉SARD UNDERGROUND星加坡地鐵林智樂廣東麻雀籌碼計法香港基本法第23條Super Tiger各國兵力一覽放題徐有潔尹致昊劉鑾雄C意大利薄餅東日本大震災楊宗緯郭小霖頭版豆豉🡆 More