Гібралта́рскі пралі́ў (па-арабску: جبل طارق, ісп.: Estrecho de Gibraltar) — праліў, які злучае Міжземнае мора з Атлантычным акіянам.
Даўжыня праліва складае 65 км, шырыня — 14—44 км. Глыбіня ў фарватары дасягае 338 метраў, найбольшая глыбіня — 1181 м.
Па берагах Гібралтарскага праліва размешчаныя стромкія скальныя масівы, якія ў старажытнасці называліся Геркулесавымі слупамі — Гібралтарская скала на поўначы і Муса на поўдні праліва.
Дзякуючы свайму зручнаму геаграфічнаму размяшчэнню, гэты праліў мае вялікае эканамічнае і стратэгічнае значэнне, знаходзіцца пад кантролем англійскай фартэцыі і ваенна-марской базы Гібралтар. У раёне праліва размешчаныя іспанскія порты Сеута, Ла-Лінея, Альхесірас, а таксама мараканскі Танжэр.
Многія гады Іспанія і Марока супольна вывучалі пытанне пабудовы пад пралівам чыгуначнага і / або аўтамабільнага тунэля, аналагічнага таму, які злучае Францыю і Англію пад пралівам Ла-Манш. У 2003 была распачатая новая праграма даследаванняў, разлічаная на тры гады.
Амерыканскія і брытанскія будаўнікі, са свайго боку, разглядалі магчымасць пабудовы моста праз праліў. Такі мост мусіў бы стаць самым высокім (звыш 900 метраў) і самым працяглым (15 км) з тых, што існуюць на Зямлі.
Для гэтага артыкула не запоўнены шаблон-картка {{Праліў}}. |
This article uses material from the Wikipedia Беларуская article Гібралтарскі праліў, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.