«Counter-Strike 2» (з англ. — «Контрудар 2») ― шматкарыстальніцкая відэагульня ў жанры тактычнага шутара ад першай асобы, распрацаваная кампаніяй Valve з выкарыстаннем рухавічка Source 2.
З’яўляецца 5-й гульнёй у серыі Counter-Strike . Перыяд распрацоўкі застаецца невядомым. Valve анансавала гульню 22 сакавіка 2023 года на сваім канале YouTube, абвясціўшы, што яна выйдзе ўлетку 2023 года. Кампанія заявіла, што правядзе абмежаваны тэст для Counter-Strike 2 у сакавіку 2023 года, даступны толькі для Windows. Аб’ява з’явілася праз некалькі тыдняў пасля чутак пра сіквел Counter-Strike: Global Offensive .
Counter-Strike 2 | |
---|---|
Распрацоўшчык | Valve Corporation[d] |
Выдавец | Valve Corporation[d] |
Частка серыі | Counter-Strike[d] |
Дата анонсу | 22 сакавіка 2023 |
Дата выпуску | 27 верасня 2023 |
Ліцэнзія | прапрыетарная ліцэнзія[d] |
Жанр | шутар ад першай асобы[d] |
Тэхнічныя даныя | |
Платформы | Windows і Linux |
Гульнявы рухавічок | Source 2[d] |
Рэжымы гульні | аднакарыстальніцкая гульня і шматкарыстальніцкая гульня |
Мова інтэрфейсу | некалькі моў[d] |
Носьбіт | лічбавае распаўсюджванне[d] |
Кіраванне | камп’ютарная клавіятура і камп’ютарная мыш |
Афіцыйны сайт | |
Медыяфайлы на Вікісховішчы |
Пасля некалькіх тыдняў чутак аб працягу 4-й гульні серыі, Valve афіцыйна абвясціла аб распрацоўцы сіквела. Таксама было пацверджана, што гульня выйдзе ўлетку 2023 года ў якасці бясплатнага абнаўлення Counter-Strike: Global Offensive. Сіквел быў апісаны як «капітальны рамонт кожнай сістэмы, кожнага элемента кантэнта і кожнай часткі гульнявога працэсу». У сакавіку 2023 года быў праведзены тэст гульні. Паляпшэнні ўключаюць перапрацаваныя карты і палепшаныя аўдыё-візуальныя эфекты, а таксама змены ў выкарыстанні дымавых гранат і шмат другога. Асвятленне, тэкстуры і дызайн былі змененыя. Кампанія «Valve» паведаміла: «Дым зараз узаемадзейнічае з іншымі гульнявымі працэсамі, ствараючы новыя магчымасці. Кулі і гранаты могуць вырабляць дым, на кароткі час закрываючы лінію агляду або пашыраючы аклюзію». Дым таксама можа «натуральным чынам запаўняць прастору» і рэагаваць на асвятленне. Кампанія пацвердзіла перанос скінаў і іншых прадметаў з Counter-Strike: Global Offensive у Counter-Strike 2. Таксама з’явілася новае галоўнае меню.
Counter-Strike 2 на Вікісховішчы |
This article uses material from the Wikipedia Беларуская article Counter-Strike 2, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Матэрыял даступны на ўмовах CC BY-SA 4.0, калі не пазначана іншае. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Беларуская (DUHOCTRUNGQUOC.VN) is an independent company and has no affiliation with Wiki Foundation.