جزیرہ نما عرب
جزیرہ نمائے عرب یا عربستان (عربی: شبه الجزيرة العربية، انگریزی: Arabian Peninsula) جس کے تین طرف سمندر اور ایک طرف خشکی ہو وہ جزیرہ نما کہلاتی ہے۔ جنوب مغربی ایشیا میں افریقا اور ایشیا کے سنگم پر واقع ایک جزیرہ نما ہے جس کا بیشتر حصہ صحرائی ہے۔ جزیرہ نما عرب مشرق وسطی کا اہم ترین حصہ ہے اور تیل اور گیس کے وسیع تر ذخائر کے باعث خطے میں اہم کردار ادا کرتا ہے۔
.png) | |
| رقبہ | 3.2 ملین کلومیٹر2 (1.25 ملین میل²) |
|---|---|
| آبادی | ~77 ملین |
| لقب آبادی | عربی |
| ممالک |  بحرین  کویت  سلطنت عمان  قطر  سعودی عرب  متحدہ عرب امارات  یمن |
جزیرہ نما عرب کا ساحل مغرب میں بحیرہ احمر اور خلیج عقبہ، جنوب مشرق میں بحیرہ عرب اور شمال مشرق میں خلیج اومان، آبنائے ہرمز اور خلیج فارس سے ملتا ہے۔
شمال میں جزیرہ نما عرب کی حدود کوہ زاگرس (عربی: زاغروس) تک جاکر ختم ہوجاتی ہیں۔ جغرافیائی طور پر یہ بغیر کسی واضح علامت صحرائے شام سے مل جاتا ہے۔
سیاسی طور پر جزیرہ نما عرب سعودی عرب اور کویت کی شمالی سرحدوں کے ساتھ ختم ہوجاتا ہے۔
درج ذیل ممالک جزیرہ نما کا حصہ سمجھے جاتے ہیں:
بحرین (تکنیکی طور پر جزیرہ نما سے کٹا ہوا ایک جزیرہ ہے)
کویت
سلطنت عمان
سعودی عرب
متحدہ عرب امارات
یمن
جزیرہ نما کا بیشتر حصہ سعودی عرب میں شامل ہے اور آبادی کی اکثریت بھی سعودی عرب اور یمن میں رہائش پزیر ہے۔ جزیرہ نما عرب میں دنیا کے سب سے زیادہ تیل کے ذخائر پائے جاتے ہیں۔ مسلمانوں کے مقدس ترین مقامات مکہ مکرمہ اور مدینہ منورہ بھی یہیں ہیں۔ معاشی طور پر متحدہ عرب امارات اور سعودی عرب خطے کی امیر ترین اقوام ہیں۔ عربی دنیا کا معروف ٹیلی وژن چینل الجزیرہ بھی اسی جزیرہ نما کے ایک ملک قطر سے چلایا جاتا ہے۔
| ویکی ذخائر پر جزیرہ نما عرب سے متعلق سمعی و بصری مواد ملاحظہ کریں۔ |
حوالہ جات
This article uses material from the Wikipedia اردو article جزیرہ نما عرب, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). تمام مواد CC BY-SA 4.0 کے تحت میسر ہے، جب تک اس کی مخالفت مذکور نہ ہو۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki اردو (DUHOCTRUNGQUOC.VN) is an independent company and has no affiliation with Wiki Foundation.