Arabia (arabi: شِبْهُ الْجَزِيرَةِ الْعَرَبِيَّة, shibhu l-jazīrati l-ʿarabiyyah, 'penisola arabi' or جَزِيرَةُ الْعَرَب, jazīratu l-ʿarab, 'isola de la arabis') es un penisola de Asia sude-ueste, locada norde-este de Africa sur la placa tetonica arabi.
La penisola, con Barain, la arcipelago Socotra, e otra isolas prosima, forma un rejion jeopolitical. Ance, lo es la rejion la plu grande en la mundo sin cualce rio.
La penisola arabi es la penisola la plu grande en la mundo, con 3,237l,500 km2. Lo es composada par ses nasiones: Cuait, Uman, Arabia Saudi, la Amirias Arabi Unida, e Iaman. La penisola ia es formida como la resulta de la falion de la Mar Roja entre 56 e 23 milion anios a ante, e es bordada par la Mar Roja a la ueste e sude-ueste, par la Golfo Persian a la norde-este, la Levante a la norde, e la Mar Indian a la sude-este. La penisola ave un rol jeopolitical multe importante, como la resulta de sua reservas vasta de petrolio e gas natural.
Ante la eda moderna, lo ia es divideda en cuatro rejiones distinguida: la costa de la Mar Roja (Tihamah), la plato sentral (al-Iamama), la costa de la Mar Indian (Hadramaut), e la costa de la Golfo Persian (al-Barain). Hejaz e Najd composa la plu de Arabia Saudi. Arabia sude es composada de Iaman e alga pares de Arabia Saudi (Najran, Jizan, Asir) e Uman (Dofar). Arabia este es composada de la banda de costa intera de la Golfo Persian.
This article uses material from the Wikipedia Lingua franca nova article Arabia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.