క్లాడెట్ కోల్బర్ట్

1920ల చివరలో బ్రాడ్‌వే నాటకాలతో తన నటనా జీవితాన్ని ప్రారంభించింది. ప్రారంభంలో పారామౌంట్ పిక్చర్స్‌ సంస్థతో కలిసి పనిచేసింది. 1934లో వచ్చిన ఇట్ హ్యాపెన్డ్ వన్ నైట్ సినిమాతో ఉత్తమ నటిగా అకాడమీ అవార్డును గెలుచుకుంది, మరో రెండు అకాడమీ అవార్డులకు నామినేట్ అయింది. 1934లో వచ్చిన క్లియోపాత్రా, 1942లో వచ్చిన ది పామ్ బీచ్ స్టోరీ సినిమాలు కోల్బర్ట్ నటించిన ఇతర ప్రముఖ సినిమాలు.

క్లాడెట్ కోల్బర్ట్
క్లాడెట్ కోల్బర్ట్ (1950)
జననం	ఎమిలీ క్లాడెట్ చౌచోయిన్ (1903-09-13)1903 సెప్టెంబరు 13 సెయింట్-మాండే, ఫ్రాన్స్‌
మరణం	1996 జూలై 30(1996-07-30) (వయసు 92) స్పీట్‌స్టౌన్, బార్బడోస్
సమాధి స్థలం	గాడింగ్స్ బే చర్చి స్మశానవాటిక, స్పెయిట్స్‌టౌన్ 13°14′28″N 59°38′32″W / 13.241235°N 59.642320°W / 13.241235; -59.642320
జాతీయత	American
ఇతర పేర్లు	లిల్లీ క్లాడెట్ చౌచోయిన్
విద్య	వాషింగ్టన్ ఇర్వింగ్ హై స్కూల్ (న్యూయార్క్ సిటీ)
విద్యాసంస్థ	ఆర్ట్ స్టూడెంట్స్ లీగ్ ఆఫ్ న్యూయార్క్
వృత్తి	నటి
క్రియాశీల సంవత్సరాలు	1925–1987
రాజకీయ పార్టీ	రిపబ్లికన్ పార్టీ (యునైటెడ్ స్టేట్స్)
జీవిత భాగస్వామి	నార్మన్ ఫోస్టర్ (దర్శకుడు) ​ ​ (m. 1928; div. 1935)​ జోయెల్ ప్రెస్‌మాన్ ​ ​ (m. 1935; died 1968)​

క్లాడెట్ కోల్బర్ట్ 1903, సెప్టెంబరు 13న జీన్ మేరీ - జార్జెస్ క్లాడ్ చౌచోయిన్‌ దంపతులకు ఫ్రాన్స్‌లోని సెయింట్-మాండేలో జన్మించింది.

గుండ్రని ముఖం, పెద్ద కళ్ళు, హాస్యం, భావోద్వేగ నటనలోని మెళుకువలతో, తన బహుముఖ ప్రజ్ఞతో 1938, 1942లలో అత్యధిక పారితోషికం అందుకున్న నటీమణులలో ఒకరిగా నిలిచింది. కోల్బర్ట్ 60కి పైగా సినిమాల్లో నటించింది. ఫ్రెడ్ మాక్‌ముర్రేతో ఏడు సినిమాలలో (1935-1949), ఫ్రెడ్రిక్ మార్చ్ తో నాలుగు సినిమాలలో (1930-1933) కలిసి నటించింది.

1950ల ప్రారంభంలో, కోల్‌బర్ట్ సినిమా నుండి నుండి టెలివిజన్, నాటకరంగం వైపు వచ్చింది. 1959లో ది మ్యారేజ్-గో-రౌండ్ సినిమా కోసం టోనీ అవార్డుకు నామినేట్ అయింది. 1960ల ప్రారంభంలో తన కెరీర్ తగ్గింది, అయితే 1970ల చివరలో, అది నాటకరంగంలో గుర్తింపు పొందింది. 1980లో చికాగో నాటకరంగంలో కృషికి సారా సిడాన్స్ అవార్డును అందుకుంది. 1987లో వచ్చిన గ్రెన్‌విల్లెస్ సినిమాకు గోల్డెన్ గ్లోబ్ అవార్డును అందుకుంది, ఎమ్మీ అవార్డుకు నామినేట్ అయింది.

1999లో, అమెరికన్ ఫిల్మ్ ఇన్‌స్టిట్యూట్ కోల్‌బర్ట్‌ను క్లాసిక్ హాలీవుడ్ సినిమాల్లో 12వ గొప్ప మహిళా తారగా పేర్కొంది.

కోల్బర్ట్ తన జీవితంలోని చివరి మూడు సంవత్సరాలలో చిన్నచిన్న స్ట్రోక్‌లను ఎదుర్కొన్నది. తన 92 ఏళ్ళ వయస్సులో 1996, జూలై 30న బార్బడోస్‌లో మరణించింది. అంత్యక్రియలలు, దహన సంస్కారాలు న్యూయార్క్ నగరంలో జరిగాయి.