தமிழ்நாட்டில் இந்திய நாடாளுமன்றத் தேர்தல், 1999

தமிழ்நாட்டில்
இந்திய நாடாளுமன்றத் தேர்தல், 1999
மக்களவைக்கான 39 இடங்கள்
முந்தைய இந்தியப் பிரதமர்; அடல் பிஹாரி வாஜ்பாய்; பாஜக	இந்தியப் பிரதமர் ; அடல் பிஹாரி வாஜ்பாய்; பாஜக

திராவிட முன்னேற்றக் கழகம் தலைமையிலான தேசிய ஜனநாயக கூட்டணி 26 இடங்களை வென்று முதலிடத்தில் வந்தது.

பின்புலம்

1999ல் தமிழ்நாட்டில் மொத்தம் 39 நாடாளுமன்றத் தொகுதிகள் இருந்தன. அவற்றுள் 32 பொதுத் தொகுதிகள். மீதமுள்ள 7 பட்டியலினத்தவருக்கு ஒதுக்கப்பட்டிருந்தன. 1998 நாடாளுமன்றத்தேர்தலுக்குப் பின் பாரதிய ஜனதா கட்சி தலைமையிலான தேசிய ஜனநாயக கூட்டணியை ஒரே ஆண்டில் அதிமுக ஆதரவை விலக்கி கொண்டதால் மத்தியில் வாஜ்பாயின் பாஜக அரசு 13 மாதங்களில் கவிழ்ந்தது. இதனால் அதிமுக-பாஜகவின் தேஜகூட்டணியில் இருந்து விலகி கொண்டதால். தமிழகத்தின் அதிமுகவின் எதிர்கட்சியான திமுக தேஜகூவில் இணைந்து கொண்டதால். இந்த பாராளமன்ற தேர்தலில் திமுகவின் ஆதரவுடன் பாஜக மீண்டும் வென்று வாஜ்பாய் பிரதமர் ஆனார். மேலும் மூன்றாண்டுகளாக தமிழகத்தில் செயல்பட்டு வந்த திமுக கூட்டணியிலிருந்த தமாகா விலகி கொண்டது. இத்தேர்தலில் மும்முனை போட்டி காணப்பட்டது. திமுக-பாஜக தலைமையிலான தேசிய ஜனநாயக கூட்டணியில் மதிமுக, பாமக, சு. திருநாவுகரசின் எம்ஜியார் அதிமுக, வாழப்பாடி ராமமூர்த்தியின் தமிழக ராஜீவ் காங்கிரசு போன்ற கட்சிகள் இடம் பெற்றிருந்தன. இதனை எதிர்த்து அதிமுக-காங்கிரஸ் கூட்டணியில் இந்திய கம்யூனிஸ்ட் மற்றும் மார்க்சிஸ்ட் கம்யூனிஸ்ட் கட்சிகளுள் இடம் பெற்றிருந்தன. இவை தவிர இந்திய ஒன்றிய முஸ்லிம் லீக், இந்திய தேசிய லீக், தமிழ்நாடு முஸ்லிம் முன்னேற்றக் கழகம் போன்ற முஸ்லிம் கட்சிகளும் அதிமுக-காங்கிரஸ் கூட்டணிக்கு ஆதரவளித்தன. இவை தவிர தமாகா, விடுதலைச் சிறுத்தைகள், புதிய தமிழகம் கூட்டணியும் களத்தில் இருந்தது.

முடிவுகள்

திமுக+	இடங்கள்	அதிமுக+	இடங்கள்	மற்றவர்கள்	இடங்கள்
திமுக	12	அதிமுக	10	தமாகா	0
பாஜக	4	காங்கிரசு	2	விடுதலைச் சிறுத்தைகள்	0
மதிமுக	4	சிபிஎம்	1	புதிய தமிழகம்	0
பாமக	5	சிபிஐ	0
எம்ஜிஆர் அதிமுக	1
தமிழக ராஜீவ் காங்கிரஸ்	0
மொத்தம் (1999)	26	மொத்தம் (1999)	13	மொத்தம் (1999)	0
மொத்தம் (1998)	9	மொத்தம் (1998)	30	மொத்தம் (1998)	0

தமிழக அமைச்சர்கள்

இத்தேர்தலில் வெற்றி பெற்ற பின்வரும் தமிழக உறுப்பினர்கள் மத்திய அமைச்சரவையில் இடம் பெற்றனர்:

இலாக்கா அமைச்சர்கள்

அமைச்சர்	கட்சி	தொகுதி	துறை
ரங்கராஜன் குமாரமங்கலம்	பாஜக	திருச்சி	மின்சாரம் மற்றும் நாடாளுமன்றம்
முரசொலி மாறன்	திமுக	மத்திய சென்னை	வர்த்தகம் மற்றும் தொழில்
டி. ஆர். பாலு	திமுக	தென் சென்னை	சுற்றுப்புறசூழல் மற்றும் வனங்கள்

இணை அமைச்சர்கள்

அமைச்சர்	கட்சி	தொகுதி	துறை
மு. கண்ணப்பன்	மதிமுக	திருச்செங்கோடு	பெட்ரோலியம் மற்றும் இயற்கை எரிவாயு^*
என். டி. சண்முகம்	பாமக	வேலூர்	சுகாதாரம் மற்றும் குடும்பநலம்^*
செஞ்சி என். இராமச்சந்திரன்	மதிமுக	திண்டிவனம்	நிதி
ஆ. ராசா	திமுக	பெரம்பலூர்	கிராமப்புற வளர்ச்சி
இ. பொன்னுசாமி	பாமக	சிதம்பரம்	பெட்ரோலியம் மற்றும் இயற்கை எரிவாயு

^* தனிப் பொறுப்பு (Ministers of State (Independent charge))

மேலும் காண்க

இந்தியப் பொதுத் தேர்தல், 1999

மேற்கோள்கள்

Indian general election, 13th Lok Sabha பரணிடப்பட்டது 2014-07-18 at the வந்தவழி இயந்திரம்

வெளி இணைப்புகள்

சிஎன்என்-ஐபிஎன் தேர்தல் முடிவுகள் பரணிடப்பட்டது 2009-03-03 at the வந்தவழி இயந்திரம்

This article uses material from the Wikipedia தமிழ் article தமிழ்நாட்டில் இந்திய நாடாளுமன்றத் தேர்தல், 1999, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). வேறுவகையாகக் குறிப்பிடப்பட்டிருந்தாலன்றி இவ்வுள்ளடக்கம் CC BY-SA 4.0 இல் கீழ் கிடைக்கும். Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki தமிழ் (DUHOCTRUNGQUOC.VN) is an independent company and has no affiliation with Wiki Foundation.