இப்ராகிம் ரையீசி

இவர் அரசியல்வாதியும், ஈரானின் வல்லுநர்கள் மன்ற உறுப்பினரும், இசுலாமிய அறிஞரும் மற்றும் ஈரான் நாட்டின் தற்போதைய உச்ச நீதிமன்ற தலைமை நீதிபதியும் ஆவார். மேலும் இவர் ஈரான் நாட்டின் தலைமை அரசு வழக்கறிஞர் போன்ற நீதித்துறையில் பல பதவிகளில் பணிபுரிந்தவர். மேலும் இவர் பழமை வாய்ந்த இசுலாமியப் பள்ளிவாசல்களை நிர்வகிக்கும் அஸ்தான் கட்ஸ் ரசாவி அமைப்பின் தலைவராக 2016 முதல் 2019 முடிய பணியாற்றினார். இவர் தெற்கு கொராசான் மாகாணம் சார்பாக 2006-இல் ஈரானிய அறிஞர் சபைக்கு முதன்முறையாகத் தேர்வு செய்யப்பட்டார்.

அயத்துல்லா சையத் இப்ராகிம் ரையீசி
ஈரானின் 8-வது குடியரசுத் தலைவர்
பதவியில் 3 ஆகஸ்டு 2021
துணை குடியரசுத் தலைவர்	TBA
Succeeding	அசன் ரூகானி
ஈரானின் தலைமை நீதிபதி
பதவியில் உள்ளார்
பதவியில் 7 மார்ச் 2019
நியமிப்பு	அலி காமெனி, ஈரானின் அதியுயர் தலைவர்
முதல் துணைத் தலைவர்	குலாம்-உசைன் மொசெனி-இஜெய்
முன்னையவர்	சாதிக் லாரிஜனி
ஈரானின் தலைமை அரசு வழக்கறிஞர்
பதவியில் 23 ஆகஸ்டு 2014 – 1 ஏப்ரல் 2016
நியமிப்பு	சாதிக் லரிஜனி
முன்னையவர்	குலாம்-உசைன் மொசெனி-இஜெய்
பின்னவர்	முகமது ஜாபர்
வல்லுநர்கள் மன்றம்
பதவியில் 24 மே 2016 – 21 மே 2016
தொகுதி	தெற்கு கொராசான் மாகாணம்
பெரும்பான்மை	325,139 (80.0%)
பதவியில் 20 பிப்ரவரி 2007 – 21 மே 2016
தொகுதி	தெற்கு கொராசான் மாகாணம்
பெரும்பான்மை	200,906 (68.6%)
ஈரானின் துணைத் தலைமை நீதிபதி
பதவியில் 27 சூலை 2004 – 23 ஆகஸ்டு 2014
ஈரானின் தலைமை நீதிபதி	முகமது ஹஷ்மி ஷாரூத்
முன்னையவர்	முகமது-ஹாதி மார்வி
பின்னவர்	குலாம்-உசைன் மொசெனி-இஜெய்
தலைவர், பொது ஆய்வு அலுவலகம்
பதவியில் 22 ஆகஸ்டு 1994 – 9 ஆகஸ்டு 2004
நியமிப்பு	முகமது யாசிதி
முன்னையவர்	முஸ்தபா மொககேக் தமாத்
பின்னவர்	முகமது நியாசி
தனிப்பட்ட விவரங்கள்
பிறப்பு	சையத் இப்ராகிம் ரைசோல்-சதாதி 14 திசம்பர் 1960 (1960-12-14) (அகவை 63) மஷ்தாத், ஈரானின் பகலவிப் பேரரசு
அரசியல் கட்சி	இசுலாமிய மதகுருமார்கள் சங்கம்
பிற அரசியல் தொடர்புகள்	இசுலாமிய குடியரசுக் கட்சி (1987 வரை)
துணைவர்	ஜாமிய அலமோல்ஹூதா
பிள்ளைகள்	2
உறவினர்கள்	அகமது அலமோல்ஹூதா (மாமனார்)
முன்னாள் கல்லூரி	சாகித் மொதாஹரி பல்கலைக் கழகம் கோம் செமினரி
இணையத்தளம்	https://raisi.ir/

ஈரானின் அதியுயர் தலைவர் அலி காமெனியால், 2021 ஈரானிய அதிபர் தேர்தலில் போட்டுயிடுவதற்கு அனுமதிக்கப்பட்ட 4 வேட்பாளர்களில் இப்ராகிம் ரைசியும் ஒருவராவர். இவர் வலதுசாரி இசுலாமிய புரட்சிகர படைகளின் பாப்புலர் முன்னணி கட்சியின் சார்பாக 2021 ஈரானிய அதிபர் தேர்தலில் போட்டியிடுகிறார். 2017-இல் இவர் ஈரானிய அதிபர் தேர்தலில் அசன் ரவ்கானியிடம் வெற்றி வாய்ப்பை இழந்து இரண்டாமிடத்தில் வந்தார்.

2021 ஈரான் அதிபர் தேர்தலில் இப்ராகிம் ரையீசி 61.95% வாக்குகளைப் பெற்று ஈரான் அதிபராக தேர்வு செய்யப்பட்டார். இரானில் சுமார் 5.9 கோடி வாக்காளர்கள் உள்ளனர். இவர்களில் 2.8 கோடி பேர் வாக்களித்தனர். இதில் இப்ராகிம் ரையீசி சுமார் 1.8 (61.95%) கோடி வாக்குகள் பெற்றுள்ளார். மிகப் பழமையான பார்வைகளை உடைய இவர், அரசியல் கைதிகளுக்கு மரண தண்டனை விதிக்கப்பட்டதில் தொடர்புடையவர். அமெரிக்க அரசு தடை விதித்தவர்களில் ஒருவர். இரானில் அதி உயர் தலைவருக்கு அடுத்தபடியாக இராண்டாவது பெரிய அதிகாரம் மிக்க பதவி அதிபர் பதவி ஆகும்.

ஆண்டு	தேர்தல்	வாக்குகள்	%	தர வரிசை	குறிப்புகள்
2006	2006 ஈரானிய வல்லுநர்கள் மன்றம்	200,906	68.6%	முதலிடம்	வெற்றி
2016	2016 ஈரானிய வல்லுநர்கள் மன்றம்	325,139	80.0%	முதலிடம்	வெற்றி
2017	2017 ஈரானிய அதிபர் தேர்தல்	15,835,794	38.28%	இரண்டாமிடம்	தோல்வி
2021	2021 ஈரானிய அதிபர் தேர்தல்	17,926,345	61.952%	முதலிடம்	வெற்றி

• இரானில் இப்ராஹீம் ரையீசி அதிபராக தேர்ந்தெடுக்கப்பட்டது குறித்து சர்வதேச நாடுகள் அதீத கவலை கொள்ள வேண்டும் என இஸ்ரேல் தெரிவித்துள்ளது. இஸ்ரேலின் வெளியுறவுத்துறை செய்தி தொடர்பாளர் லியோர் ஹையட், 1988-ஆம் ஆண்டில் அரசியல் கைதிகளை கூண்டோடு மரண தண்டனை விதிக்கப்பட்ட சம்பவத்தை சுட்டிக் காட்டி, டெஹ்ரானின் கசாப்புக்காரர் இப்ராகிம் ரையீசி என தெரிவித்துள்ளார். இப்ராகிம் ரையீசியால் சுமார் 30 ஆயிரம் பேர் கொல்லப்பட்டதாக ஹையட் தெரிவித்துள்ளார் இதே எண்ணிக்கையைதான் இரானின் மனித உரிமைகள் அமைப்பு தெரிவிக்கிறது. இப்ராகிம் ரையீசி த்லைமையிலான நான்கு நீதிபதி கொண்ட மரணக் குழு 5 ஆயிரம் பெண்கள் மற்றும் ஆண்களுக்கு மரண தண்டனை விதித்ததாக பன்னாட்டு மன்னிப்பு அவை தெரிவிக்கிறது.
• இரான் மற்றும் ரஷ்யாவுக்கு இடையே உள்ள "பாரம்பரியமான நட்பு மற்றும் நல் உறவை" சுட்டிக்காட்டி ரஷ்ய அதிபர் விளாடிமிர் புதின் இப்ராஹிம் ரையீசிக்கு வாழ்த்து தெரிவித்துள்ளார். சிரியா, இராக், துருக்கி மற்றும் ஐக்கிய அரபு அமீரகம் ஆகிய நாட்டின் தலைவர்களும் இதே போன்றதொரு வாழ்த்து செய்தியையும் தங்களின் ஆதரவையும் தெரிவித்துள்ளனர். காசாவை நிர்வகிக்கும் ஹமாஸ் ஆயுதக்குழுவின் செய்திதொடர்பாளர், இரான் வளமும் வளர்ச்சியும் பெற வேண்டும் என்று வாழ்த்தியுள்ளார்.

• ஈரானின் குடியரசுத் தலைவர்கள் பட்டியல்

• பகலவி வம்சம்
• முகம்மத் ரிசா ஷா பஹ்லவி
• ஈரானியப் புரட்சி
• ஈரானின் அதியுயர் தலைவர் -
• ரூகொல்லா கொமெய்னி - முதலாவது ஈரானின் அதியுயர் தலைவர்
• அலி காமெனி - இரண்டாவது ஈரானின் அதியுயர் தலைவர்
• வல்லுநர்கள் மன்றம்
• பாதுகாவலர்கள் மன்றம்
• அசன் ரவ்கானி
• மகுமூத் அகமதிநெச்சாத்