Kayt

kiyt, Ladjyn: Felis catus) ny baagh thieoil. T'ee ny sheeintagh beg feill-eeagh. Ta'n cochiangley eddyr kiyt as deiney er ve ayn rish 9 500 blein er y chooid sloo, as she biggin smoo ennoil y teihll t'ayn. Kyndagh rish y chochiangley shen, t'ad ry-akin er fud ny cruinney, bunnys. T'ad so-lhoobagh as cragheydagh, as ta reat gientynagh tappee oc; myr shen, t'ad gieyrtys er eggochoryssyn dooghyssagh, as ta kuse dy h-ardjyn cur dooie ruegyssagh orroo.

Kayt
Kayt thie (Felis silvestris catus)
Rang oaylleeagh
Reeriaght: Animalia Phylum: Chordata Rang: Sheeintagh Oardagh: Carnivora Kynney: Felid Genus: Felis Dooie: F. catus
Ennym daa-ennymagh
Felis catus (Linnaeus, 1758)
Co-cheayllee
Felis catus domestica Felis silvestris catus

Ta kiyt hieoil casley rish olteynyn Felis elley. Ta trimmid eddyr 4kg-5kg oc dy cadjin. Ta aalaghtyn ennagh, myr sampleyr, Maine Coon, harrish 11kg ny keayrtyn, as ta kiyt veggey ayn myrgeddin. By 21.297kg ee y chayt strimmey. By 1.36kg ee y chayt aasit sloo as enney oikoil urree.. T'ad mysh 23-25km er yrjid, as mysh 46km er lhiurid dy cadjin, as famman mysh 30km oc. Ta kiyt 'irrinagh ny smoo na kiyt woirrinagh.

Ushylagh

Ta 7 vertebrae mhuinneelagh ec kiyt (myr sheeintee chadjin elley), 13 vertebrae thoracksagh, 7 vertebrae lumbagh, as 3 vertebrae sacragh myr sheeintee chadjin. Ta earroo neuchinjagh dy vertebrae fammanagh 'syn 'amman oc. Ta ny thooilley vertebrae lumbagh as thoracksagh cur so-lhoobaght chirpey share da'n chayt. Ta 13 asnaghyn, ny geayltyn as y pelvis kianglt roo. Ta ny lurgaghyn toshee kianglt rish y yeaylin liorish croymmag seyr, as ta shen lhiggey daue goll stiagh boayl erbee mooar dy liooar dy lhiggey da'n chione goll ny hrooid.

 

Ta claigin kayt neuchadjin myr sheeintagh, er coontey ny lig hooilley feer vooar, as y cheeil lajer as currit da obbyr er lheh. Ta ny feeacklyn currit da marroo cragh as skelpey feill. Erreish da goaill y chragh er niart, ta'n chayt cur greim mwannal marrooagh jee liorish y ghaa virrag; t'ad cur ad eddyr daa vertebra as scarrey y coyrt drommey, as ta shen cur neulheiltys jee ny marroo ee. Cosoylit rish kiyt elley, ta birragyn kiyt hieoil scarrit dy keyl, er y fa dy nee caigneyderyn beggey oc y reih chragh oc, as ta vertebrae beggey oc. Ta'n feeackle lieh-chooylloo as kied 'eeackle çheu chooylloo jannoo magh piyr charnassagh ta giarrey feill dys peeshyn beggey 'syn aght cheddin as shuddyryn. Ta shen slane femoil da ee, er y fa nagh nod feeacklyn çheu chooylloo beggey kiyt caigney bee dy mie.