Universiteti el-Karavijin ose Al Quaraouiyine është një universitet i cili ndodhet në qytetin Fes të Marokut.
Është themeluar në vitin e largët 859 nga një fisnike arabe me emrin Fatima el-Fihri (shih). Sipas UNESCO dhe Guinness World Records ky konsiderohet të jetë universiteti më i vjetër në botë i cili ka vazhduar aktivitetin e tij pothuajse pandërprerë që nga themelimi e deri më sot.
Pranë këtij universiteti me kohë u themeluan edhe një varg objektesh tjera përcjellëse mes të cilave duhet përmendur bibliotekën e këtij universiteti e cila gjithashtu konsiderohet si njëra ndër bibliotekat më të famshme në atë pjesë të Afrikës. Në bibliotekën el-Karavijin vazhdon të ruhet edhe sot e kësaj dite, njëri ndër përkthimet më të hershme të Biblës në gjuhën arabe.
Me kalimin e kohës, Universiteti el-Karavijin u bë qendër e rëndësishme dhe një urë lidhëse mes kulturave afrikane dhe evropiane. Nga ky universitet dolën emra të mëdhenjë të shkencës dhe të kulturës, siq ishin "Mohammed al Idriss", "Ibn Khaldoun", Meimonidi, Muhammed Taki-ud-Din el-Hilali si dhe shumë të tjerë.
This article uses material from the Wikipedia Shqip article Universiteti el-Karavijin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Përmbajtja është në disponim nëpërmjet licencës CC BY-SA 4.0 nëse nuk shënohet ndryshe. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Shqip (DUHOCTRUNGQUOC.VN) is an independent company and has no affiliation with Wiki Foundation.