Wiki Shqip 2023: Faqja kryesore
SQWiki Tiếng ViệtWiki English

Myqerem Janina

Shqip editions of Wiki, an online encyclopedia

Mykerem ose Myqerem bej Janina[1] (Stamboll, 1890 - Tiranë, 1989) ka qenë publicist, përkthyes i Institutit të Historisë gjatë regjimit komunist dhe i përndjekur politik. Prej përkthimeve të tij dhe të Vexhi Buharasë u dha një ndihmesë e madhe për të njohur periudhën osmane të historisë shqiptare, përkthimet e tyre u përvetësuan nga punonjësit e institutit, duke mos ua përmendur emrin nëpër punime.[2]

Mes veprimtarisë së tij përkthimore, spikat Defteri i Sanxhakut të Arbërit botuar nga historiani Halil İnalcık.[3] Ka përkthyer gjithashtu edhe nga turqishtja moderne, duke sjellur për herë të parë autorin Azis Nesingjuhën shqipe.[4]

Biografia

U lind në Stamboll më 1890, i biri i Azmi bej Janinës dhe Lalinur hanëm Vrionit. I ati nga dega Janina e trungut Asllan-Pashali ka qenë historian dhe prefekt në provinca të ndryshme të perandorisë, e ëma ishte e bija e Hasan beut të VrionasveBeratit.[1] Studjoi për letërsi dhe histori në kryeqytetin e perandorisë.[4] Ka shkruajtur ndër të përkohshmet deri më 1944, më 1928-'29 te «Shekulli i Ri» që botohej në Durrës me pseudonimin Augusti, më tej te «Java» (Tiranë, 1938) dhe «Flamuri» (Tiranë, 1944) me pseudonimin Osumi; më pas te «Drita» e 1938 me pseudonimin Osumi i Beratit, te «Ora» me pseudonimin Skyfteri, si dhe te «Bashkimi i Kombit» (Tiranë, 1944) me pseudonimin Shkrimtar i panjohur.[5]

Më 1954 u internua në kampin e Kuçit,[6] me shumë intelektual të tjerë.[7] Më 1960 e thirrën në Tiranë, ku u emërua përkthyes në Institutin e Historisë për 19 vjet, duke përkthyer dokumentacionin osman dha ndihmesë të jashtëzakonshme në njohjen për njohjen e periudhës osmane të historisë shqiptare, përkthime të cilat i bëri duke ngelur gjithnjë në anonimat.[2] Përveç përkthimeve përgatiti dhe osmanistët e rinj si Selami Pulaha, Kristaq Prifti, Gazmend Shpuza, Petrika Thëngjilli dhe Ferid Duka[4] si lektor i turqishtes osmaneUniversitetin e Tiranës.[8]

U dënua për së dyti në moshën 89 vjeçare shtatorin e 1978.[4]

Referime

  1. ^ a b Vlora, Eqrem bej (2003). Kujtime 1885-1925. Përkthyer nga Afrim Koçi. Tiranë: IDK. fq. 598–599. ISBN 99927-780-6-7.
  2. ^ a b Biçoku, Kasem (2022). Terrorizmi në albanologji. Shkup. fq. 210–211. ISBN 9786084634560.
  3. ^ Topalli, Kolec (2010). "Persekutimi komunist në shkencat albanologjike". Hylli i Dritës. 1: 8–17.
  4. ^ a b c d Jorgaqi, Nasho (9 gusht 2015). "Myqerem Janina, historia e martesës me vajzën e Sulltanit". Shqiptarja.com.
  5. ^ Gashi, Sinan (2009). Pseudonimet e shkrimtarëve shqiptarë 1453-1982. Prishtinë. fq. 119–120.
  6. ^ Çelo Hoxha, Azem Qazimi, red. (2015). Fjalor enciklopedik i viktimave të terrorit komunist I-K (PDF). Vëll. IV. Tiranë: Instituti i Studimit të Krimeve dhe Pasojave të Komunizmit. fq. 60. ISBN 978-9928-168-01-6.
  7. ^ "Intervistë me intelektualin erudit Lek Pervizi". radiandradi.com. Intervistuar nga Kozeta Zylo. 18 maj 2013 [2008].{{cite web}}: Mirëmbajtja CS1: Gjendja e adresës (lidhja)
  8. ^ Trofenik, R. (1967). Beiträge zur Kenntnis Südosteuropas und des Nahen Orients (në gjermanisht). Vëll. 3. fq. XI, XXI.

#Wikipedia® is a registered trademark of the Wikimedia Foundation, Inc. Wiki (Study in China) is an independent company and has no affiliation with Wikimedia Foundation.
This article uses material from the Wikipedia article Myqerem Janina, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply. (view authors). Përmbajtja është në disponim nëpërmjet licencës CC BY-SA 3.0 nëse nuk shënohet ndryshe. Images, videos and audio are available under their respective licenses.