Roman Kukulla

Fillimisht ishte pjesë e librit Mëngjeset në Kafe Rostand botuar më 2014 , por më vonë u botua si libër me vete, së pari në Francë (nën titullin La Poupee), e pastaj në shqip. Romani ka nuanca autobiografike dhe trajton tematikën e nënës së autorit, zonjës Hatixhe Dobi, së cilës i referohet me nofkën "Kukulla".

Në këtë roman Kadare përshkruan hollësisht figurën e nënës së tij, të cilën kurrë nuk kishte mundur ta kuptonte plotësisht. Mundohet të zbulojë pse i ishte dukur si kukull. Romani rrëfen jetën e saj prej ditës së martesës, kur shkon si nuse në shtëpinë e madhe të Kadarenjve, e deri në ditën e vdekjes.

Kritiku francez Bernard Pivot e përshëndeti botimin e këtij romani, kurse e përditshmja franceze Le Monde i kushtoi atij një faqe të plotë. Duke e analizuar veprën për këtë gazetë, Florence Noiville, e vlerësoi romanin në superlativa. Sipas saj, ai ishte një "tregim i shkurtër dhe magjepsës".

• 2015: "La Poupée" (frëngjisht)
• 2016: "La muñeca" (spanjisht)
• 2017: "La bambola" (italisht)
• 2017: "인형" (koreanisht)
• 2017: "Lutka: Portret majke" (kroatisht)
• 2018: "Păpușa" (rumanisht)
• 2018: "Dukken:Portrett av en mor" (gjuha norvegjeze)
• 2019: "Куклата" (gjuha maqedonase)
• 2019: "娃娃" (gjuha kineze)
• 2019: "Geboren aus Stein" (gjuha gjermane)
• 2020: "The Doll" (gjuha angleze)

"Le Monde" në admirim për Ismail Kadarenë^{[lidhje e vdekur]}