Banga
Banga (Knife in English) mudziwo unoshandiswa kucheka zvinhu zvikurusei pakubata mabasa anoti: kubika, kuvhiya, kumenya zvichingodaro.
Nhengo yebanga inocheka yakagadzirwa nesimbi yakapfekerwa pamubato. Mubato unokwanisa kunge wakagadzirwa nesimbi, plastic, muti kana chimwe chakasimba.
Nhengo yebanga ine panocheka (blade in English) inonzi chese. Zita iri rinoshandiswawo kutaura chisimbi chinotema chedemo, kana badza.
Mamwe Mazwi
- Harambi (Handle of sword or dagger). Bata harambi yebakatwa somurume: take a firm grip on the handle of your dagger
- Gwese kana gweshe (blunt object especially a knife) apa kureva banga rakagomara. Banga rakagon'a kana chigon'a. Banga iri igweshe.
- Kuvedzenga (v. To cut in strips; cut in slices).
- Chidaduro (sharp knife) apa kureva banga rakapinza.
- Kuvhiya kana kuvhuya (to skin, flay).
- Dika kana dimbo (sharp pointed stick, 2. Sharp stake in game-pit) zvichireva chimuti chakapinza chine unzi. Kana zvawanda zvonzi matika.
Tsumo
- Akumbira banga kuti azivikanwe kuti abaya.
Mazwi eBantu
- Kikongo vanoti kutu (Scabbard; sheath) kureva homwe inopfekerwa banga kana munondo.
- Baila vanoti insonga (point of a spear or knife) kureva kanzvi kepfumo kana kebanga.
- Lenje vanoti kola (be sharp - of a cutting edge or point) kureva kuva chakapinza.
- Herero vanoti via (v. to divide; cut) kureva kuvhiya. Mamwe mazwi: oru-vio (n. knife). Omu-via (n. cut).
- Runyambo vanoti omusyo (n. knife) kureva banga.
This article uses material from the Wikipedia chiShona article Banga, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki chiShona (DUHOCTRUNGQUOC.VN) is an independent company and has no affiliation with Wiki Foundation.