Ing kutsiliu (‘’knife’’ king Ingles) metung yang kasangkapan a bibilugan ning pulu o talanan a makatuglung king taram a gagamitan king pamangili.
Iti metung yang kasangkapan a malyaring gamitan anting sandata. Minuna yang linto iti kanita pang adua ampong kapitnang miliung banua bayu ing panaun tamu, at iti patunayan da reng kasangkapan a Oldowan .
Melalang la reng minunang kutsiliu kapamilata’ning knapping (papukpuk a pamagliluk [percussive flaking]) ning batu, partikular deng mangasias a batu anti ing w:obsidian ampong flint. Kanitang kapanaunan a [Paleolithic]], mapalyaring ginawa yang kasangkapan a anti kanita ing Homo habilis ibat king dutung, butul at aliwa pang materialis a gad masisira, dapot mewala no reti.
Aniang panaun a limang libung banua na ing milabas, aniang sinulung ing pamanigobra at pamangamit kareng metal, bagya-bagya lang miyalilan tangsu, bronsi, bakal, at banuang tauli, aseru.
Gawa la kareng miyayaliwang materialis deng makabayung kutsiliu, kayabe no reng aserung samut a pangkasangkapan (alloy tool steels), w:carbon fiber, losa, ampong titanium.
Keraklan, lilimitan no ning leyi deng kutsiliu, dapot maragu ing pamiyaliwa da reti dependi king bangsa o estadu, ampong uri ning kutsiliu. Alimbawa, ating leying magbawal king pamagdala kareng kutsiliung e makasalikut king kilual, at atin namang maglimita angga king pamagbandi kareng mapilang uri da reng kutsiliu, alimbawa deng lasetas.
This article uses material from the Wikipedia Kapampangan article Kutsiliu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Kapampangan (DUHOCTRUNGQUOC.VN) is an independent company and has no affiliation with Wiki Foundation.