Asif n Udanub niɣ d Asif n Danub iga yan ɣ yisaffn akkʷ ssugrnin ɣ tuẓẓumt n Uruppa, ar d ittkka adrar n tagant isggann ɣ iffus utrim n Waliman tama n yat tiɣrmt imẓẓiyn lli s ttinin Ḍunawcingn, ar ilkkm ɣ tɣzi nns ,yat 2850km d usfi nns illa ɣ yill asggan, s ɣik ann rad ig asif wis sin ɣ tɣzi ɣ uruppa dffir asif n Vulga ɣ Rusya, ar izggr wasif-ad mnnawt n tmizar zun d tin Waliman, d Yinmsawn, d Yisluvak, d Yihnɣarn, d Yikrwatn, d Yiṣiṛbiyyn, d Ayt Muntinigru d Yiblɣarn d Yirumaniyn d Ukraniyn.
Ar d ittagm aman ssɣ kra n talatin lli gis ttffin zun d Sava, Drava, Tisza.
Ssɣ yan uzmz imaṭln, ikka tt inn wasif-ad iga yan ubrsaka (asaka mqqurn) n waman, ig ɣ yat tizi awttu n Tmnukda Taṛmmuyt, ig daɣ yan ifrig ittraran azzaɣn n Yirusiyyn, ijrmaniyn, iturkiyyn, Inmsawn d irumaniyn.
Iɣ ingi wasif-ad ar iskar tuggt n tmukrisin, acku llant ɣ tama nns gigan d tɣmiwin d iḍuṛan munin dis ɣ akkʷ tiɣzi nns, kra n igzman n wasif-ad ar sgrisn ɣ tagrst, idra wasif-ad ɣ tuṣkka n tɣrmiwin d tdlsiwin n tamttiwin da zdɣnin ɣ tama nns.
This article uses material from the Wikipedia Taclḥit article Asif n Udanub, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mayad illa ddu CC BY-SA 4.0 abla iɣ ittuybdar mas ur t-igi. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Taclḥit (DUHOCTRUNGQUOC.VN) is an independent company and has no affiliation with Wiki Foundation.