La Rio Danubio es la rio la plu longa en la Uni European, e la rio du par longia (pos la Rio Volga) en tota Europa.
Lo ia es un frontera importante per la Impero Roman.
La orijina de la rio es en la Foresta Negra en Deutxland, de du rios peti, la Brigach e la Breg, cual deveni juntada a la vila Donaueschingen, pos do lo porta la nom Danubio. Lo flue a este tra sirca 2850 km, e pasa tra alga capitales european, e vacui final en la Mar Negra tra la Delta Danubio en Romania e Ucraina.
La rio pasa tra (o forma un parte de la bordas de) des nasiones: Deutxland, Osteraic, Slovensco, Magiar, Corvatsca, Serbia, Romania, Balgaria, Moldova, e Ucraina.
Sua nom es latina, orijinal de la celta *dānu, per "corente". En deutx lo es Donau, en polsce e slovensce Dunaj, en magiar Duna, en romanian Dunărea, en norsce vea Duná, en turces Tuna, en elinica antica Istros, en slovenian Donava, en corvatsce Dunav, en serbsce Дунав/Dunav, en balgarsce Дунав, en ucrainsce Дунай, e en arabi e farsi دانوب.
This article uses material from the Wikipedia Lingua franca nova article Rio Danubio, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). La contenida es disponeda su CC BY-SA 4.0, estra diferes notada. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lingua franca nova (DUHOCTRUNGQUOC.VN) is an independent company and has no affiliation with Wiki Foundation.