Danùbbiu: Ciumi di l'Europa Cintrali
Lu Danùbbiu ('n tudiscu Donau, n sluvaccu Dunaj, n ungarisi Duna, n cruatu Dunav, n serbu e bùlgaru Дунав (Dunav) n rumenu Dunărea, n ucraìnu Дунай e n latinu Danubius) è lu secunnu ciumi d'Europa ppi lunghizza doppu lu Volga e musura quarchi 2.888 chm.
Nasci 'n Girmania, ntâ Furesta Nìura, di dui ciumi nichi chiamati Brigach e Breg, ca si iùnciunu ntô Donaueschingen.
Ppi sèculi lu Danùbbiu, nzinu a oggi, fu na mpurtanti via fluviali. Diggià canusciutu e pigghiatu comu fruntera nta l'èbbica dû Mpiru Rumanu, camina dû nord-ovist ô sud-est e abbagna deci nazziuni: Girmania, Austria, Sluvacchia, Ungaria, Cruazzia, Serbia, Bulgaria, Rumania, Moldavia e Ucraina. Lu Delta dû Danùbbiu s'attrova ntra Ucraina e Rumania.
Lu Danùbbiu passa ppî citati granni ccà sutta signaliati:
- Ulm - Girmania
- Regensburg - Girmania
- Linz - Austria
- Vienna - capitali di l'Austria
- Bratislava - capitali dâ Sluvacchia
- Budapest - capitali di l'Ungaria
- Vukovar - Cruazzia
- Novi Sad - Serbia
- Belgradu - capitali dâ Serbia
- Ruse - Bulgaria
- Brăila - Rumania
- Galaţi - Rumania
Li rivi dû Danubbiu foru addichiarati Patrimoniu di l'Umanitati di l'UNESCO.
Rifirimenti:
This article uses material from the Wikipedia Sicilianu article Danùbbiu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Stu cuntinutu è dispunìbbili sutta â CC BY-SA 4.0 quannu nun veni spicificatu diversamenti. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sicilianu (DUHOCTRUNGQUOC.VN) is an independent company and has no affiliation with Wiki Foundation.