ᱠᱟᱭᱨᱟ ᱫᱚ ᱫᱷᱟᱹᱨᱛᱤ ᱨᱮᱱᱟᱜ ᱟᱹᱰᱤ ᱧᱩᱛᱩᱢᱟᱱ ᱡᱚ ᱠᱟᱱᱟ ᱾ ᱩᱨᱜᱩᱢ ᱦᱚᱭᱫᱟᱜ ᱫᱤᱥᱟᱹᱢ ᱠᱚᱨᱮ ᱠᱟᱭᱨᱟ ᱫᱚ ᱡᱟᱹᱥᱛᱤ ᱦᱩᱭᱩᱜ-ᱟ ᱾ ᱫᱟᱹᱠᱷᱤᱱ ᱯᱩᱨᱩᱵᱽ ᱮᱥᱤᱭᱟᱜᱮ ᱠᱟᱭᱨᱟ ᱨᱮᱭᱟᱜ ᱡᱟᱱᱟᱢ ᱡᱟᱜᱟ ᱦᱤᱥᱟᱹᱵᱽ ᱛᱮᱠᱳ ᱞᱮᱠᱷᱟᱭᱟ ᱾ ᱠᱚᱞᱚᱢᱵᱤᱭᱟ ᱞᱮᱠᱟᱱ ᱞᱮᱴᱤᱱ ᱟᱢᱮᱨᱤᱠᱟᱱ ᱫᱤᱥᱟᱹᱢ ᱠᱚᱨᱮ ᱠᱟᱭᱨᱟ ᱫᱚ ᱢᱩᱬᱩᱛ ᱟᱹᱠᱷᱨᱤᱧ ᱡᱚ ᱠᱟᱱᱟ᱾
Banana | |
---|---|
Peeled, whole, and longitudinal section | |
ᱥᱟᱬᱮᱥ ᱞᱮᱠᱟᱛᱮ ᱦᱟᱹᱴᱤᱧ | |
ᱡᱮᱜᱮᱛ: | Plantae |
ᱵᱟᱝᱛᱷᱚᱠ ᱟᱠᱟᱱ: | Angiosperms |
ᱵᱟᱝᱛᱷᱚᱠ ᱟᱠᱟᱱ: | Monocots |
ᱵᱟᱝᱛᱷᱚᱠ ᱟᱠᱟᱱ: | Commelinids |
ᱫᱷᱟᱹᱲ: | Zingiberales |
ᱜᱷᱟᱨᱚᱡᱽ: | Musaceae |
ᱯᱨᱚᱡᱟᱹᱛᱤ: | Musa |
ᱠᱟᱭᱨᱟ ᱫᱟᱨᱮ ᱫᱚ ᱢᱤᱫ ᱡᱟᱝ ᱨᱚᱦᱚᱭ ᱫᱟᱨᱮ ᱠᱟᱱᱟ ᱾ ᱚᱛ ᱞᱟᱛᱟᱨᱨᱮ ᱡᱟᱝ ᱥᱮ ᱨᱮᱦᱮᱛ ᱛᱟᱦᱮᱸᱱᱟ ᱟᱨ ᱪᱮᱛᱟᱱᱨᱮ ᱡᱤᱞᱤᱧᱜᱮ ᱫᱟᱨᱮ ᱛᱟᱦᱮᱸᱱᱟ ᱾ ᱠᱟᱭᱨᱟ ᱫᱟᱨᱮ ᱟᱨ ᱡᱚ ᱵᱟᱱᱟᱨᱜᱮ ᱦᱟᱹᱨᱭᱟᱹᱲ ᱜᱮᱭᱟ ᱾ ᱵᱮᱨᱮᱞ ᱨᱮ ᱫᱚ ᱠᱟᱭᱨᱟ ᱦᱟᱹᱨᱭᱟᱹᱲ ᱟᱨ ᱵᱤᱞᱤ ᱞᱮᱱ ᱠᱷᱟᱱ ᱥᱟᱥᱟᱝ ᱚᱜ-ᱟ᱾
ᱠᱟᱭᱨᱟ ᱫᱟᱨᱮ ᱨᱮᱱᱟᱜ ᱕᱐ ᱜᱚᱴᱟᱝ ᱡᱟᱹᱛ ᱢᱮᱱᱟᱜ-ᱟ ᱾ ᱪᱟᱢᱯᱟ, ᱪᱤᱱᱤ ᱪᱟᱢᱯᱟ, ᱥᱟᱜᱚᱨ, ᱥᱚᱵᱽᱨᱤ ᱮᱢᱟᱱᱛᱮᱭᱟᱜ ᱱᱟᱱᱟ ᱦᱩᱱᱟᱹᱨ ᱠᱟᱭᱨᱟ ᱧᱮᱞᱚᱜ-ᱟ᱾
ᱠᱟᱭᱨᱟ ᱨᱮ ᱟᱹᱰᱤ ᱟᱭᱢᱟ ᱜᱩᱱ ᱢᱮᱱᱟᱜ-ᱟ ᱾ ᱢᱤᱫᱴᱮᱱ ᱯᱩᱨᱟᱹᱴ ᱠᱟᱭᱨᱟ ᱨᱮ ᱑᱐᱐ ᱠᱮᱞᱚᱨᱤ ᱫᱟᱲᱮ ᱢᱮᱱᱟᱜ-ᱟ᱾
ᱠᱟᱭᱨᱟ ᱫᱚ ᱥᱮᱨᱢᱟᱨᱮ ᱯᱮ ᱫᱷᱟᱣ ᱨᱚᱦᱚᱭ ᱜᱟᱱᱚᱜ-ᱟ ᱾ ᱡᱟᱱᱩᱣᱟᱨᱤ ᱠᱷᱚᱱ ᱢᱟᱨᱪ, ᱢᱟᱨᱪ ᱠᱷᱚᱱ ᱢᱮ ᱟᱨ ᱥᱮᱯᱴᱮᱢᱵᱚᱨ ᱠᱷᱚᱱ ᱱᱚᱵᱷᱮᱢᱵᱚᱨ ᱱᱚᱣᱟ ᱯᱮ ᱚᱠᱛᱚᱨᱮ ᱠᱟᱭᱨᱟ ᱠᱚ ᱨᱚᱦᱚᱭᱟ ᱾ ᱠᱟᱭᱨᱟ ᱨᱚᱦᱚᱭ ᱞᱟᱹᱜᱤᱫ ᱠᱷᱮᱛ ᱵᱟᱲᱜᱮ ᱟᱹᱰᱤ ᱢᱚᱡᱛᱮ ᱥᱤ ᱞᱟᱜᱟᱣᱜ-ᱟ ᱾ ᱚᱱᱟ ᱛᱟᱭᱚᱢ ᱢᱤᱫ ᱥᱟᱹᱨᱛᱮ ᱛᱷᱚᱲᱟ ᱜᱟᱱ ᱯᱷᱟᱸᱠ ᱯᱷᱟᱸᱠ ᱫᱟᱨᱮ ᱨᱚᱦᱚᱭ ᱞᱟᱹᱜᱤᱫ ᱜᱷᱟᱰᱞᱟᱜ ᱠᱚ ᱞᱟᱭᱟ ᱾ ᱜᱷᱟᱰᱞᱟᱜ ᱞᱟ ᱵᱟᱲᱟ ᱠᱟᱛᱮ ᱥᱟᱨ ᱠᱳᱠᱲᱳ ᱮᱢᱟ ᱟᱨ ᱦᱟᱥᱟ ᱛᱮᱠᱳ ᱯᱚᱴᱚᱢᱠᱟᱜ-ᱟ ᱾ ᱑᱕ ᱢᱟᱦᱟᱸ ᱛᱟᱭᱚᱢ ᱯᱚᱴᱚᱢ ᱦᱟᱥᱟ ᱚᱪᱚᱜ ᱠᱟᱛᱮ ᱪᱟᱨᱟ ᱫᱟᱨᱮᱠᱚ ᱨᱚᱦᱚᱭᱟ ᱾ ᱛᱟᱭᱚᱢᱛᱮ ᱑᱕-᱒᱐ ᱢᱟᱦᱟᱸ ᱯᱚᱨ ᱯᱚᱨ ᱫᱟᱜ ᱟᱨᱮᱡ ᱞᱟᱜᱟᱜ-ᱟ᱾
This article uses material from the Wikipedia ᱥᱟᱱᱛᱟᱲᱤ article ᱠᱟᱭᱨᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.