ᱚᱥᱴᱨᱳᱼᱮᱥᱤᱭᱟᱴᱤᱠ, ᱢᱳᱱᱼᱠᱷᱚᱢᱮᱨ ᱢᱮᱱᱛᱮ ᱦᱚᱸ ᱵᱟᱲᱟᱭᱚᱜᱼᱟ, ᱫᱚ ᱮᱛᱚᱢ ᱥᱟᱢᱟᱝ ᱮᱥᱤᱭᱟ, ᱥᱤᱧᱚᱛ, ᱵᱟᱝᱞᱟᱫᱮᱥ, ᱱᱮᱯᱟᱞ ᱟᱨ ᱠᱚᱧᱮ ᱪᱤᱱ ᱨᱮ ᱪᱟᱹᱞᱩ ᱢᱮᱱᱟᱜ ᱢᱤᱫ ᱢᱟᱨᱟᱝ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱠᱟᱱᱟ ᱾ ᱚᱥᱴᱨᱳᱼᱮᱥᱤᱭᱟᱴᱤᱠ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱨᱮᱱᱟᱜ ᱯᱟᱹᱨᱥᱤ ᱛᱮ ᱑᱑᱗ ᱢᱤᱞᱤᱭᱚᱱ ᱜᱟᱱ ᱦᱚᱲ ᱠᱚ ᱨᱚᱲᱼᱟ, ᱟᱨ ᱱᱚᱶᱟ ᱯᱟᱹᱨᱥᱤᱠᱚ ᱢᱩᱫ ᱨᱮ ᱠᱷᱟᱹᱞᱤ ᱵᱷᱤᱭᱮᱛᱱᱟᱢᱤ, ᱠᱷᱚᱢᱮᱨ ᱟᱨ ᱢᱳᱱ ᱯᱟᱹᱨᱥᱤ ᱨᱮᱱᱟᱜ ᱢᱟᱬᱮ ᱚᱞᱼᱛᱚᱞ ᱱᱟᱜᱟᱢ ᱢᱮᱱᱟᱜᱼᱟ ᱾ ᱱᱟᱦᱟᱜ ᱫᱤᱱ ᱨᱮ ᱠᱷᱟᱹᱞᱤ ᱵᱷᱤᱭᱮᱛᱱᱟᱢᱤ ᱟᱨ ᱠᱷᱚᱢᱮᱨ ᱯᱟᱹᱨᱥᱤ ᱨᱮᱱᱟᱜ ᱜᱮ ᱡᱟᱹᱛᱤᱭᱟᱹᱨᱤ ᱯᱟᱹᱨᱥᱤ ᱢᱟᱹᱱ ᱢᱮᱱᱟᱜᱼᱟ (ᱵᱷᱤᱭᱮᱛᱱᱟᱢ ᱟᱨ ᱠᱮᱢᱵᱳᱰᱤᱭᱟ ᱨᱮ ) ᱾ ᱢᱳᱱ ᱯᱟᱹᱨᱥᱤ ᱢᱤᱭᱟᱱᱢᱟᱨ ᱟᱨ ᱛᱷᱟᱭᱞᱮᱱᱰ ᱨᱮ ᱟᱹᱫᱤᱵᱟᱹᱥᱤ ᱯᱟᱹᱨᱥᱤ ᱞᱮᱠᱟᱛᱮ ᱯᱟᱹᱨᱥᱤ ᱨᱮᱱᱟᱜ ᱢᱟᱹᱱ ᱢᱮᱱᱟᱜᱼᱟ ᱾ ᱣᱟ ᱯᱟᱹᱨᱥᱤ ᱢᱤᱭᱟᱱᱢᱟᱨ ᱨᱮᱱᱟᱜ ᱣᱟ ᱯᱚᱱᱚᱛ ᱨᱮᱱᱟᱜ ᱥᱚᱨᱠᱟᱨᱤ ᱯᱟᱹᱨᱥᱤ ᱠᱟᱱᱟ ᱾ ᱥᱟᱱᱛᱟᱲᱤ ᱯᱟᱹᱨᱥᱤ ᱦᱚᱸ ᱢᱤᱫ ᱚᱥᱴᱨᱳᱼᱮᱥᱤᱭᱟᱴᱤᱠ ᱯᱟᱹᱨᱥᱤ ᱠᱟᱱᱟ, ᱟᱨ ᱱᱚᱶᱟ ᱥᱤᱧᱚᱛ ᱨᱮᱱᱟᱜ ᱒᱒ ᱜᱚᱴᱟᱱ ᱥᱤᱰᱤᱭᱩᱞ ᱯᱟᱹᱨᱥᱤ ᱠᱚ ᱢᱩᱫ ᱨᱮ ᱢᱤᱫ ᱯᱟᱹᱨᱥᱤ ᱠᱟᱱᱟ ᱾ ᱟᱨ ᱮᱴᱟᱜ ᱯᱟᱹᱨᱥᱤ ᱠᱚᱫᱚ ᱞᱮᱠᱷᱟᱥᱤᱫ ᱡᱟᱹᱛᱤ ᱜᱷᱟᱨᱚᱸᱡᱽ (minority) ᱠᱚᱠᱚ ᱨᱚᱲᱼᱟ ᱟᱨ ᱱᱚᱶᱟ ᱠᱚᱨᱮᱱ ᱪᱮᱫ ᱥᱚᱨᱠᱟᱨᱤ ᱢᱟᱹᱱ ᱵᱟᱹᱱᱩᱜᱼᱟ ᱾
ᱚᱥᱴᱨᱳᱼᱮᱥᱤᱭᱟᱴᱤᱠ | |
---|---|
ᱢᱳᱱ–ᱠᱷᱚᱢᱮᱨ | |
ᱚᱛᱱᱚᱜ ᱪᱷᱮᱨ | ᱮᱛᱚᱢ ᱥᱟᱢᱟᱝ, ᱮᱛᱚᱢ, ᱟᱨ ᱥᱟᱢᱟᱝ ᱮᱥᱤᱭᱟ |
ᱯᱟᱹᱱᱟᱹᱨᱥᱤ ᱦᱟᱹᱴᱤᱧ | ᱡᱮᱜᱮᱛ ᱨᱮᱱᱟᱜ ᱢᱩᱬᱩᱛ ᱯᱟᱹᱨᱥᱤ ᱜᱷᱟᱨᱚᱸᱡᱽ |
ᱯᱨᱳᱴᱳᱼᱯᱟᱹᱨᱥᱤ | ᱯᱨᱳᱴᱳᱼᱚᱥᱴᱨᱳᱼᱮᱥᱤᱭᱟᱴᱤᱠ |
ᱪᱟᱸᱜᱟ ᱦᱟᱹᱴᱤᱧ | |
ᱟᱭᱮᱥᱳ ᱖᱓᱙ᱼ᱕ | aav |
ᱜᱞᱚᱴᱴᱚᱞᱚᱜᱽ | aust1305 |
ᱚᱥᱴᱨᱳᱼᱮᱥᱤᱭᱟᱴᱤᱠ ᱯᱟᱹᱨᱥᱤᱠᱚ |
ᱮᱛᱷᱱᱳᱞᱚᱜᱽ ᱑᱖᱘ ᱜᱚᱴᱟᱱ ᱚᱥᱴᱨᱳᱼᱮᱥᱤᱭᱟᱴᱤᱠ ᱯᱟᱹᱨᱥᱤ ᱮ ᱪᱤᱱᱦᱟᱹᱯ ᱟᱠᱟᱫᱟ ᱾ ᱱᱚᱶᱟ ᱠᱚ ᱯᱟᱹᱨᱥᱤ ᱤᱫᱤ ᱠᱟᱛᱮᱡ ᱜᱮᱞᱯᱮ ᱜᱚᱴᱟᱱ ᱪᱟᱸᱜᱟ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱵᱮᱱᱟᱣ ᱟᱠᱟᱱᱟ ᱾ ᱡᱟᱦᱟ ᱫᱚ ᱴᱨᱟᱱᱥᱡᱤᱥᱮᱱᱟᱞᱤ (traditionally) ᱵᱟᱨᱭᱟ ᱜᱟᱫᱮᱞ, ᱢᱳᱱᱼᱠᱷᱚᱢᱮᱨ ᱟᱨ ᱢᱩᱱᱰᱟ ᱨᱮ ᱦᱟᱹᱴᱤᱝ ᱟᱠᱟᱱᱟ ᱾
ᱚᱥᱴᱨᱚᱼᱮᱥᱤᱭᱟᱴᱤᱠ ᱯᱟᱹᱨᱥᱤᱠᱚ ᱥᱟᱢᱟᱝᱼᱠᱚᱧᱮ ᱮᱥᱤᱭᱟ, ᱥᱤᱧᱚᱛ, ᱵᱟᱝᱞᱟᱫᱮᱥ, ᱱᱮᱯᱟᱞ ᱟᱨ ᱥᱟᱢᱟᱝ ᱮᱥᱤᱭᱟ ᱨᱮᱱᱟᱜ ᱟᱹᱰᱤᱜᱟᱱ ᱴᱚᱴᱷᱟ ᱨᱮ ᱯᱟᱥᱱᱟᱣ ᱢᱮᱱᱟᱜᱼᱟ, ᱡᱟᱦᱟ ᱫᱚ ᱮᱴᱟᱜ ᱨᱚᱲ ᱮᱫ ᱠᱟᱱ ᱯᱟᱹᱨᱥᱤ ᱠᱚᱛᱮ ᱮᱴᱟᱜ ᱮᱴᱟᱜ ᱦᱟᱹᱴᱤᱧ ᱟᱠᱟᱱᱟ ᱾
ᱯᱟᱹᱱᱟᱹᱨᱥᱤᱭᱟᱹ ᱠᱚ ᱚᱥᱴᱨᱳᱼᱮᱥᱤᱭᱟᱴᱤᱠ ᱨᱮᱱᱟᱜ ᱯᱳᱭᱞᱳ ᱵᱟᱨᱭᱟ ᱵᱷᱟᱜᱽ ᱢᱟᱹᱱ ᱠᱚ ᱮᱢ ᱟᱠᱟᱫᱟ : ᱮᱛᱚᱢ ᱥᱟᱢᱟᱝ ᱮᱥᱤᱭᱟ, ᱠᱚᱧᱮ ᱥᱟᱢᱟᱝ ᱥᱤᱧᱚᱛ ᱟᱨ ᱱᱤᱠᱚᱵᱚᱨ ᱫᱤᱯᱠᱚ ᱨᱮᱱᱟᱜ ᱢᱳᱱᱼᱠᱷᱚᱢᱮᱨ ᱯᱟᱹᱨᱥᱤᱠᱚ, ᱟᱨ ᱥᱟᱢᱟᱝ ᱟᱨ ᱛᱟᱞᱢᱟ ᱥᱤᱧᱚᱛ ᱟᱨ ᱵᱟᱝᱞᱟᱫᱮᱥ ᱟᱨ ᱱᱮᱯᱟᱞ ᱨᱮᱱᱟᱜ ᱴᱚᱴᱷᱟ ᱠᱚᱨᱮᱱᱟᱜ ᱢᱩᱱᱰᱟ ᱯᱟᱹᱨᱥᱤᱠᱚ ᱾ ᱛᱚᱵᱮ ᱱᱚᱶᱟ ᱵᱷᱟᱜᱽ ᱞᱟᱹᱜᱤᱫ ᱪᱮᱫ ᱯᱨᱚᱢᱟᱱ ᱫᱚ ᱵᱟᱝ ᱪᱷᱟᱯᱟ ᱟᱠᱟᱱᱟ ᱾
ᱚᱥᱴᱨᱳ ‑ ᱮᱥᱤᱭᱟᱴᱤᱠ |
| |||||||||||||||||||||||||||||||||||||||||||||||||||||||||||||||||||||||||||||||||||||||||||||
ᱟᱨᱦᱚᱸ ᱯᱟᱥᱱᱟᱣ ᱛᱮ,
ᱞᱟᱛᱤᱱ ᱦᱚᱨᱚᱯ ᱵᱟᱹᱜᱤ ᱠᱟᱛᱮᱡ, ᱡᱟᱹᱥᱛᱤ ᱜᱟᱱ ᱚᱥᱴᱨᱳ-ᱮᱥᱤᱭᱟᱴᱤᱠ ᱯᱟᱹᱨᱥᱤ ᱠᱷᱚᱢᱮᱨ, ᱛᱷᱟᱭ, ᱞᱟᱣ ᱟᱨ ᱵᱚᱨᱢᱤ ᱪᱤᱠᱤ ᱛᱮᱠᱚ ᱚᱞᱟ ᱾ ᱪᱟᱭᱱᱤᱡᱽ ᱚᱞ ᱛᱚᱦᱚᱨ ᱞᱮᱠᱟᱱᱟᱜ ᱜᱮ ᱵᱷᱤᱭᱮᱛᱱᱟᱢᱤ ᱯᱟᱹᱨᱥᱤ ᱨᱮᱱᱟᱜ ᱚᱞ ᱛᱚᱦᱚᱨ ᱛᱟᱦᱮ ᱠᱟᱱᱟ ᱾ ᱱᱚᱶᱟ ᱫᱚ ᱒᱐ ᱥᱟᱭ ᱥᱮᱨᱢᱟ ᱨᱮ ᱞᱟᱛᱤᱱ ᱪᱤᱠᱤ ᱛᱮ ᱤᱪᱟᱹᱨ ᱦᱩᱭ ᱟᱠᱟᱱᱟ ᱾ ᱞᱟᱛᱟᱨ ᱨᱮ ᱚᱥᱴᱨᱳᱼᱮᱥᱤᱭᱟᱴᱤᱠ ᱯᱟᱹᱨᱥᱤᱠᱚ ᱨᱮ ᱵᱮᱵᱦᱟᱨᱚᱜ ᱠᱟᱱ ᱛᱟᱦᱮᱫᱽ ᱟᱨ ᱵᱮᱵᱦᱟᱨᱚᱜ ᱠᱟᱱ ᱪᱤᱠᱤ ᱠᱚᱫᱚ :
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱚᱥᱴᱨᱳ-ᱮᱥᱤᱭᱟᱴᱤᱠ ᱯᱟᱹᱨᱥᱤᱠᱚ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
This article uses material from the Wikipedia ᱥᱟᱱᱛᱟᱲᱤ article ᱚᱥᱴᱨᱳᱼᱮᱥᱤᱭᱟᱴᱤᱠ ᱯᱟᱹᱨᱥᱤᱠᱚ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.