کمپیوٹر بولی
کمپیوٹر بولی یا پروگرامنگ بولی (انگریزی:Programming Language) اک آپ بنائی گئی بولی اے جیہڑی کمپیوٹر نوں چلان لئی ورتی جاندی اے۔ کمپیوٹر بولیاں نال کمپیوٹر پروگرام تے سوفٹویئر بناۓ جاندے نیں۔ کمپیوٹر بولی اک قسم دیاں ہدایتاں ہوندیاں نیں جیناں نوں سمج کہ کمپیوٹر کوئی وی کم کردا اے۔ کمپیوٹر بولی سمجن تے لکھن آلے بندے نوں پروگرامر کیندے نیں تے کمپیوٹر بولی دی کسے خاص کم واسطے ہدایت نوں کوڈ کیندے نیں۔ پروگرامر کسے وی پروگرامنگ بولی وچ لکھاری کردا اے جیدے نال کمپیوٹر سمج جاندا اے کہ اونوں پروگرامر دا کم کنج کرنا اے۔
عام طور تہ کمپیوٹر بولیاں انسانی بولی دے کئی شبد اپنی ہدایتاں وچ ورتدیاں نیں جیدے نال ایناں نوں پڑھنا تے سکھنا لوکاں لئی سوکھا ہوجاندا اے۔ کمپیوٹر بولیاں نوں کمپائل یا انٹرپریٹ کیتا جاندا اے۔ ایناں کماں وچ کمپیوٹر دا اک پروگرام کوڈ نوں مشین بولی چ بدلدا اے جیڑی کمپیوٹر بوت تیزی نال پڑھ سکدے نیں مگر انساناں لئی پڑھنا اوکھا ہوندا اے۔
This article uses material from the Wikipedia شاہ مکھی پنجابی (Shāhmukhī Pañjābī) article کمپیوٹر بولی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.