პროგრამირაფაშ ნინა — შანეფიშ ფორმალური სისტემა, ნამუთ პროგრამეფიშ აკაქჷმინალო გჷმირინუაფუ.
პროგრამირაფაშ ნინას უღუ ლექსიკური, სემანტიკური დო სინტაქსური წესეფი.
ასეშო არსებენს 2000–შე უმოსი პროგრამირაფაშ ნინა დო ირწანას თინეფიშ რიცხუ იძინანს. კანკალე პროგრამირაფაშ ნინა პოპულარობათ რგებაფულენს, კანკალეს ხვალე ავტორეფი გჷმირინუანა. პროფესიონალური პროგრამეფიშ აკაქიმინალო შილებე მუსხირენი პროგრამირაფაშ ნინა ართბორჯულო გჷმორინაფა ხოლო.
გიშმაგორუნა მაღალი დონეშ დო დაბალი დონეშ პროგრამირაფაშ ნინეფს. დაბალი დონეშნინეფს მუთმოხვადუ პროცესორიშ, ოპერატიული შვენაშ დო კომპიუტერიშ ნორთეფიშ მართუა, თინეფს ორხველჷ ასემბლერი. მაღალი დონეშ ნინეფს შხირი რე აბსტრაქცია – აკმიქიმინუ მუნაჩემეფიშ თიჯგურა ტიპეფი, ნამუეფით ვაარსებენს, მარა კოდის ლექინ ომართალო გჷნმართინუანს.
ნინეფიშ უმენტაშობას უღუ ტექსტური სინტაქსი. თინა პროგრამირაფაშ ნინაშ ელემენტეფიშ თინი დინოჭქარუას გჷთმოთანჯუნს. (თაშნეშე ქძ. C-იშ მოგვენი სინტაქსი)
ნინეფს თარო უღჷნა მუნეფიშ ბიბლიოთეკა. ბიბლიოთეკას შილებე რდას სტრუქტურეფი, მუნაჩემეფიშ შხვადოშხვა ტიპეფი, ფუნქციეფი...
პროგრამირაფაშ ნინა წჷმარინუანს პროგრამას, ნამუთ აკმოქიმინუნს შხვა პროგრამეფს. შილებე ართ პროგრამირაფაშ ნინას უხვადუდას ართი პროგრამა, ვარდა მუსხირენი პროგრამირაფაშ ნინა გოართოიანაფილი ორდასინ. (თაშნეშე ქძ. IDE)
This article uses material from the Wikipedia მარგალური (Margaluri) article პროგრამირაფაშ ნინა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.