لونݣاج
لّونݣاج ؤلا لّوغة د لبرماجة هيّا مجموعة د تّعليمات ؤ لقواعد لواجدة لي كاتطرجم ترّينݣة د لحروف ؤلا د لعناصر لمتشافة (ف لحالة د لّونݣاجات د شّوفان) ل لونݣاج د لماكينة باش تحصل على نواع مختالفين د نّتايج (نتيجة د حساب، تبدال ف شّكل ديال شي عنصر د شّاشة، ؤ زيد ؤ زيد).
لّونݣاجات د لبرماجة هوما نوع من نواع لّونݣاجات د لورديناتور، ؤ كيتخدّمو ف لبرماجة د لورديناتور باش يأمپليمونطيو ألݣوريتمات. لمجموع ديال تّعليمات لمتسلسلة لي كاتأمپليمونطي شي ألݣوريتم كاتسمّا پروݣرام ؤلا برنامج، ؤ نّص د لپروݣرام كيتسمّا كوض سورس.
من لبدية د لقرن 19، تستعملو پروݣرامات باش يتحكّمو ف لماكينات، بحال لماكينة د جاكار ديال تّيكستيل، لبواطة د لموسيقا، ؤ لپيانولا (پيانو كيلعب راسو). هاد لپروݣرامات لّولين ماكانوش كيعطيو نتيجة مختالفة (أوتپوت) على حساب شنو تدخّل (إنپوت).
كاينين لألاف د لّونݣاجات لي تّختارعو ؤ باقين كيتّختارعو. كلا لونݣاج نقدرو نقسّموه ل جوج عناصر أساسيين: سّانطاكس لي كيمتّل شّكل ديالو، ؤ سّيمانتيكية لي كاتمتّل لمعنى. بعض لّونݣاجات كيكونو معرّفين ف شي سطوندار موتّق (بحال لّونݣاج سّي لي معرّف ف من طاراف مونضّامة إيزو)، ؤ كاين لي كاتكون فيه شي نسخة لي طاغية ؤ مستعملة بزاف بلا ماتكون موحّدة بشكل رسمي بحال پورل. نقدرو نقسّمو لّونݣاجات أيضا ل لونݣاجات د لمستوى لعالي، قريبة ل لّوغة د بنادم ؤ سهل ف لفهامة، ؤ لونݣاجات د لمستوى لهابط، لي قريبة ل لّونݣاج د لماكينة ؤ كاتكون صعب ف لفهامة، بحال لاصومبلور.
نّضرية د لّونݣاجات هوّا مجال فرعي د لانفورماتيك لي كيعتاني ب دّيزاين، تّطبيق، تّحليل ؤ لكلاصاج ديال لّونݣاجات.
عيون لكلام
 هادي زريعة ديال مقالة خاصها تّوسع. تقدر تشارك ف لكتبة ديالها. |
This article uses material from the Wikipedia داريجة article لونݣاج, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.