Программалоо Тили
Программалоо тили (англ. Program language) - маселени чечүү алгоритмин компьютерге кабарлай турган жана белгилүү бир эрежелердин негизинде жазылган буйруктардын, сөздөрдүн, символдордун же коддордун жыйындысы.
Программалоо тилдери адам баласынын тилине жакындыгына карай төмөнкүчө бөлүнүшөт:
- жогорку муундагы (адам баласы түшүнгөн тилге жакын) тилдерге, мисалы, Java, C программалоо тилдери;
- төмөнкү муундагы (машине тилине жакын) тилдерге бөлүнөт, мисалы, Ассемблер (англ. Assembly) тили.
Програм тилдери негизинен беш категорияга бөлүнөт алар:
- машине;
- ассемблер;
- үчүнчү муундагы;
- төртүнчү муундагы;
- табигый тилдер.
Машине жана ассемблер тилдери төмөнкү муундагы, ал эми үчүнчү, төртүнчү жана табигый тилдер жогорку муундагы тилдерге кирет. Төмөнкү муундагы тилдер машинеге көз каранды, б.а. ал тилдерде жазылган програмдар ошол тилди түшүнгөн компьютерлерде гана аткарылат. Жогорку муундагы тилдер машинеге көз каранды болбойт, анын коддору ар башка компьютерлерде аткарылууга жөндөмдүү.
Адамдар, ар башка тилдерди (англис, түрк, кыргыз ж.б.) түшүнгөн сымал, компьютерлер дагы ар башка програм тилдерин кабыл алат. Програмчы програм тилдеринин ичинен бирин тандап алат жана маселенин алгоритмин ошол тилде жазат.
Колдонулган адабияттар
- Компьютер жана интернет: Энциклопедиялык окуу куралы. У.Н. Бримкулов, А.С. Өмүралиев, В.Ф. Бабак.-2004. ISBN 9967-14-014-3
This article uses material from the Wikipedia Кыргызча article Программалоо тили, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башкача белгиленбесе, мазмун CC BY-SA 4.0 лицензиясына ылайык жеткиликтүү. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Кыргызча (DUHOCTRUNGQUOC.VN) is an independent company and has no affiliation with Wiki Foundation.