عرض بلد یا پئی لیک (انگریزی:Latitude) اک کوآرڈینیٹ اے جو زمین یا کسے دوسرے آسمانی جسم دی سطح اُتے کسے نقطے دی شمالن جنوبن پوزیشن نوں متعین کردا اے۔ عرض بلد نوں اک زاویے دے طور تے دتا گیا اے جو قطب جنوبی اُتے °90– توں قطب شمالی اُتے °90 تک اے، خط استوا اُتے °0 ناݪ۔ عرض بلد تے طول بلد نوں زمین دی سطح اُتے کسے مقام دی وضاحت لئی اک مربوط جوڑے دے طور تے استعمال کیتا جاندا اے۔
عرض بلد دا تعین بالعموم آلہ سدس ورگے کسے آلے ناݪ کيتا جاندا اے، جو افق تے شمالی ستارے ورگے کسے فلکی جسم دے درمیان وچ موجود زاویے دی پیمائش کردا اے۔ خط استوا توں یکساں فاصلے دے حامل نقاط نوں ملاؤݨ آݪے فرضی خطوط عرض بلد دے متوازی خطوط کہلاؤندے نيں۔ عمومن استوا توں قطبین وَل جاندے ہوئے 5 درجے تے اوہدے اضعاف اُتے آؤݨ آݪے ایہ خطوط نقشیاں وچ دکھائے جاندے نيں۔
This article uses material from the Wikipedia شاہ مکھی پنجابی (Shāhmukhī Pañjābī) article عرض بلد, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.