ରାମ ରାଜ କୁମାରୀ: ଓଡ଼ିଆ ରାଜନୀତିଜ୍ଞା
ରାମ ରାଜ କୁମାରୀ (୧୯ ଅପ୍ରେଲ ୧୯୧୧ - ୨୦ ଡିସେମ୍ବର ୧୯୬୯) ଜଣେ ଓଡ଼ିଆ ରାଜନୀତିଜ୍ଞା ଥିଲେ । ସେ ଓଡ଼ିଶା ବିଧାନ ସଭାରେ ଜଣେ ବିଧାୟିକା ଭାବରେ ଥରେ କାର୍ଯ୍ୟ କରିଥିଲେ । ୧୯୫୨ ମସିହାରେ ହୋଇଥିବା ପ୍ରଥମ ଓଡ଼ିଶା ବିଧାନ ସଭା ନିର୍ବାଚନରେ ସେ ପଟ୍ଟାମୁଣ୍ଡାଇ ବିଧାନ ସଭା ନିର୍ବାଚନ ମଣ୍ଡଳୀରୁ ୧ମ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ । ସ୍ୱାଧୀନତା ପରେ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିବା ପ୍ରଥମେ ତିନି ଜଣ ମହିଳା ବିଧାୟିକାଙ୍କ ଭିତରେ ସେ ଜଣେ ଥିଲେ ।
ରାମ ରାଜ କୁମାରୀ | |
|---|---|
| ବିଧାୟିକା: ୧ମ ଓଡ଼ିଶା ବିଧାନ ସଭା | |
| କାର୍ଯ୍ୟକାଳ ୧୯୫୨ – ୧୯୫୭ | |
| ନିର୍ବାଚନ ମଣ୍ଡଳୀ | ପଟ୍ଟାମୁଣ୍ଡାଇ |
| ବ୍ୟକ୍ତିଗତ ସବିଶେଷ | |
| ଜନ୍ମ | ୧୯ ଅପ୍ରେଲ ୧୯୧୧ |
| ମୃତ୍ୟୁ | ୨୦ ଡିସେମ୍ବର ୧୯୬୯ (ବୟସ ୫୮) |
| ନାଗରିକତା | ଭାରତୀୟ |
| ଜାତୀୟତା | ଭାରତୀୟ |
| ରାଜନୀତିକ ଦଳ | ସ୍ୱାଧୀନ |
| ଜୀବନ ସାଥୀ | ଚନ୍ଦ୍ରଭାନୁ ଦେବ |
| ବାପା/ବୋଉ | ହରପ୍ରସାଦ ସିଂହ ଦେଓ (ବାପା) |
| ବୃତ୍ତି | ରାଜନୀତିଜ୍ଞ |
ଜନ୍ମ, ପରିବାର ଓ ଶିକ୍ଷା
ରାମ ରାଜ କୁମାରୀ ୧୯୧୧ ମସିହାର ଅପ୍ରେଲ ୧୯ ତାରିଖରେ ଜନ୍ମଗ୍ରହଣ କରିଥିଲେ । ତାଙ୍କ ବାପାଙ୍କ ନାମ ହରପ୍ରସାଦ ସିଂହ ଦେଓ ଓ ପତିଙ୍କ ନାମ ଚନ୍ଦ୍ରଭାନୁ ଦେବ ।
ରାଜନୈତିକ ଜୀବନ
ରାମ ରାଜ କୁମାରୀ ଓଡ଼ିଶା ରାଜନୀତିରେ ସ୍ୱାଧୀନ ପ୍ରାର୍ଥୀ ଭାବରେ ନିର୍ବାଚନ ସ୍ୱାଧୀନ ଭାରତର ପ୍ରଥମ ଓଡ଼ିଶା ବିଧାନ ସଭାରେ ଜଣେ ବିଧାୟିକା ଭାବରେ କାର୍ଯ୍ୟ କରିଥିଲେ । ୧୯୪୭ ମସିହାରେ ଭାରତ ସ୍ୱାଧୀନ ହେବା ପରେ ସେ ସମାଜସେବାରେ ଯୋଗ ଦେଇଥିଲେ । ତାଙ୍କ ଉଦ୍ୟମରେ କିଛି ଉଚ୍ଚ ବିଦ୍ୟାଳୟର ମୁଳଦୁଆ ପଡ଼ିଥିଲା ଏବଂ ତାଙ୍କଦ୍ୱାରା ପଟ୍ଟାମୁଣ୍ଡାଇ ଦେଇ କେନ୍ଦ୍ରାପଡ଼ାରୁ ଚାନ୍ଦବାଲିକୁ ସଂଯୋଗ କରୁଥିବା ରାସ୍ତାର ଭିତ୍ତି ପ୍ରସ୍ତର ସ୍ଥାପନ କରାଯାଇଥିଲା ।
୧୯୫୨ ମସିହାରେ ଭାରତ ସ୍ୱାଧୀନ ହେବା ପରେ ଓଡ଼ିଶାରେ ହୋଇଥିବା ପ୍ରଥମ ଓଡ଼ିଶା ବିଧାନ ସଭା ନିର୍ବାଚନରେ ସେ ସ୍ୱାଧୀନ ପ୍ରାର୍ଥୀ ଭାବରେ ପଟ୍ଟାମୁଣ୍ଡାଇ ବିଧାନ ସଭା ନିର୍ବାଚନ ମଣ୍ଡଳୀରୁ ନିର୍ବାଚନ ଲଢ଼ିଥିଲେ । ଏହି ନିର୍ବାଚନରେ ସେ ସମୁଦାୟ ୯୦୭୩ ଖଣ୍ଡ ଭୋଟ ପାଇଥିଲେ । ସେ ତାଙ୍କର ନିକଟତମ ପ୍ରତିଦ୍ୱନ୍ଦୀ ଭାରତୀୟ ଜାତୀୟ କଂଗ୍ରେସର ପ୍ରାର୍ଥୀ କୃପାସିନ୍ଧୁ ପଣ୍ଡାଙ୍କୁ ୨୫୩ ଖଣ୍ଡ ଭୋଟ୍ରେ ପରାସ୍ତ କରି ୧ମ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଥିଲେ ।
ମୃତ୍ୟୁ
ରାମ ରାଜ କୁମାରୀ ୧୯୬୯ ମସିହାର ଡିସେମ୍ବର ୨୦ ତାରିଖରେ ୫୮ ବର୍ଷ ବୟସରେ କଟକରେ ମୃତ୍ୟୁବରଣ କରିଥିଲେ ।
ଆଧାର
This article uses material from the Wikipedia ଓଡ଼ିଆ article ରାମ ରାଜ କୁମାରୀ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.