ଦି ଇଣ୍ଡିଆନ ଏକ୍ସପ୍ରେସ ଇଂରାଜୀ ଭାଷାରେ ପ୍ରକାଶିତ ହେଉଥିବା ଏକ ଭାରତୀୟ ଦୈନିକ ଖବରକାଗଜ, ଯାହାକି ୧୯୩୨ ମସିହାରେ ପ୍ରତିଷ୍ଠା କରାଯାଇଥିଲା । ଏହା ଏବେ ଇଣ୍ଡିଆନ୍ ଏକ୍ସପ୍ରେସ୍ ଗ୍ରୁପଦ୍ୱାରା ମୁମ୍ବାଇରୁ ପ୍ରକାଶିତ ହେଉଛି । ୧୯୯୧ ମସିହାରେ ଏହାର ସଂସ୍ଥାପକ ରାମନଥ ଗୋଏଙ୍କାଙ୍କ ମୃତ୍ୟୁ ପରେ ଇଣ୍ଡିଆନ୍ ଏକ୍ସପ୍ରେସ୍ ଗ୍ରୁପ୍ ଦୁଇଭାଗରେ ବିଭକ୍ତ ହୋଇଯାଇଥିଲା ଏବଂ ୧୯୯୯ ମସିହାରୁ ଉତ୍ତର ଭାରତର ସଂସ୍କରଣ ଦି ଇଣ୍ଡିଆନ୍ ଏକ୍ସପ୍ରେସ ଭାବରେ ରହିଲା ଏବଂ ଦକ୍ଷିଣ ଭାରତରେ ପ୍ରକାଶିତ ହେଉଥିବା ସଂସ୍କରଣ ଦି ନ୍ୟୁ ଇଣ୍ଡିଆନ୍ ଏକ୍ସପ୍ରେସ୍ ଭାରେ ନାମିତ କରାଯାଇଥିଲା ।
Journalism of Courage | |
ପ୍ରକାର | ଦୈନିକ ଖବରକାଗଜ |
---|---|
Format | ବ୍ରଡ୍ସିଟ୍ |
ମାଲିକ | ଇଣ୍ଡିଆନ୍ ଏକ୍ସପ୍ରେସ୍ ଗ୍ରୁପ୍ |
ପ୍ରକାଶକ | ଇଣ୍ଡିଆନ୍ ଏକ୍ସପ୍ରେସ୍ ଗ୍ରୁପ୍ |
ମୁଖ୍ୟ ସମ୍ପାଦକ | ରାଜକୁମାର ଝା |
ପ୍ରତିଷ୍ଠିତ | 1932 |
ଭାଷା | ଇଂରାଜୀ |
ମୁଖ୍ୟାଳୟ | ବି୧/ବି, ଏକ୍ସପ୍ରେସ୍ ବିଲ୍ଡିଂ, ସେକ୍ଟର ୧୦, ନୋଇଡ଼ା, ଉତ୍ତର ପ୍ରଦେଶ, ଭାରତ |
Sister newspapers |
|
ଓ. ସି. ଏଲ. ସି. ନମ୍ବର | ୭୦୨୭୪୫୪୧ |
ୱେବସାଇଟ | indianexpress |
୧୯୩୨ ମସିହାରେ ଚେନ୍ନାଇରେ ଆୟୁର୍ବେଦିକ ଡାକ୍ତର ପି. ଭରଦରଜୁଲୁ ନାଇଡ଼ୁଙ୍କଦ୍ୱାରା ଇଣ୍ଡିଆନ୍ ଏକ୍ସପ୍ରେସ ଆରମ୍ଭ ହୋଇଥିଲା, ଯାହା ତାଙ୍କ ତାମିଲ ନାଡୁ ପ୍ରେସଦ୍ୱାରା ପ୍ରକାଶିତ ହୋଇଥିଲା । ଆର୍ଥିକ ଅସୁବିଧାର ସମ୍ମୁଖୀନ ହୋଇ ସେ ଖବରକାଗଜକୁ ଜାତୀୟ ଖବର ଏଜେନ୍ସି ଦି ଫ୍ରି ପ୍ରେସ ଜର୍ଣ୍ଣାଲର ପ୍ରତିଷ୍ଠାତା ଏସ୍. ସଦାନନ୍ଦଙ୍କୁ ବିକ୍ରି କରି ଦେଇଥିଲେ । ୧୯୩୩ ମସିହାରେ, ଇଣ୍ଡିଆନ୍ ଏକ୍ସପ୍ରେସ୍ ମଦୁରାଇରେ ଏହାର ଦ୍ୱିତୀୟ କାର୍ଯ୍ୟାଳୟ ଖୋଲିଥିଲା, ଯେଉଁଠାରୁ ଦିନମଣି ନାମକ ଅନ୍ୟ ଏକ ତାମିଲ ଖବରକାଗଜ ପ୍ରକାଶ ପାଇବା ଆରମ୍ଭ ହୋଇଥିଲା । ସଦାନନ୍ଦ ଉଭୟ ଇଂରାଜୀ ଏବଂ ତାମିଲ ସଂସ୍କରଣ ପାଇଁ ଅନେକ କିଛି ପରିବର୍ତ୍ତନ କରିଥିଲେ ଏବଂ ଖବରକାଗଜର ମୂଲ୍ୟ ହ୍ରାସ କରିଥିଲେ, କିନ୍ତୁ ଆର୍ଥିକ ଅସୁବିଧାର ସମ୍ମୁଖୀନ ହୋଇ ସେ ନିଜ ଅଂଶର ଏକ ଭାଗ ରାମନାଥ ଗୋଏଙ୍କାକୁ ବିକ୍ରି କରି ଋଣ ପରିଶୋଧ କରିଥିଲେ । ୧୯୩୫ ମସିହାରେ, ଯେତେବେଳେ ଫ୍ରି ପ୍ରେସ୍ ଜର୍ଣ୍ଣାଲ୍ ଶେଷରେ ଭୁଶୁଡ଼ି ପଡ଼ିଲା ଏବଂ ଗୋଏଙ୍କାଙ୍କ ସହ ଦୀର୍ଘ ଦିନର ଯୁଦ୍ଧ ପରେ ସଦାନନ୍ଦ ଇଣ୍ଡିଆନ୍ ଏକ୍ସପ୍ରେସର ମାଲିକାନା ହରାଇଲେ । ଏହାପରେ ୧୯୩୯ ମସିହାରେ ଗୋଏଙ୍କା ତେଲୁଗୁ ଭାଷାରେ ପ୍ରକାଶିତ ହେଉଥିବା ଏକ ଦୈନିକ ଖବରକାଗଜ ଆନ୍ଧ୍ର ପ୍ରଭା କିଣିଥିଲେ ।
This article uses material from the Wikipedia ଓଡ଼ିଆ article ଦି ଇଣ୍ଡିଆନ ଏକ୍ସପ୍ରେସ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.