ଆମ୍ବେଦକର ଜୟନ୍ତୀ ବା ଭୀମ ଜୟନ୍ତୀ ଏକ ବାର୍ଷିକ ଉତ୍ସବ ଯାହା ୧୪ ଅପ୍ରେଲ ତାରିଖ ଦିନ ସାମାଜିକ କର୍ମୀ ଓ ବହୁଗୁଣ ସମ୍ପନ୍ନ ବି ଆର ଆମ୍ବେଦକରଙ୍କ ସ୍ମୃତିରେ ପାଳନ କରାଯାଏ । ଅପ୍ରେଲ ୧୪ ତାରିଖ ୧୮୯୧ ମସିହା ଦିନ ଡ.
ବାବାସାହେବ ଆମ୍ବେଦକର ଜନ୍ମଗ୍ରହଣ କରିଥିବା ଯୋଗୁ ଏହି ଦିନ ପାଳନ କରାଯାଏ । ଏହି ଦିନଟି ୨୦୧୫ ମସିହାରୁ ଏକ ଜନ ସାଧାରଣ ଛୁଟି ଭାବରେ ପାଳନ କରାଯାଉଛି । ଏହି ଦିବସଟି କେବଳ ଭାରତରେ ନୁହେଁ, ସାରା ବିଶ୍ୱରେ ପାଳିତ ହେଉଛି । ସାରା ଜୀବନ ଆମ୍ବେଦକର ସମତା ନିମନ୍ତେ ଲଢେଇ କରିଥିବାରୁ ତାଙ୍କର ଏହି ଜନ୍ମଦିନକୁ ସମତା ଦିବସ ଭାବରେ ମଧ୍ୟ ପାଳନ କରାଯାଉଛି, ଓ ଏହାକୁ ଏକ ଆନ୍ତର୍ଜାତୀୟ ଦିବସ ରୂପେ ପାଳନ କରିବାକୁ ମିଳିତ ଜାତିସଂଘ ଆଗରେ ଦାବି ହେଉଛି ।
ଆମ୍ବେଦକର ଜୟନ୍ତୀ | |
---|---|
ନାମ | Dr. Babasaheb Ambedkar Jayanti |
ଅନ୍ୟ ନାମ | ଭୀମ ଜୟନ୍ତୀ |
ପାଳନକାରୀ | ଭାରତ |
ପ୍ରକାର | ଧର୍ମନିରପେକ୍ଷ; ଆମ୍ବେଦକରଙ୍କ Dr.B.R.Ambedkar ଜନ୍ମ ବାର୍ଷିକୀ |
ପାଳନ | ଆମ୍ବେଦକର ଜୟନ୍ତୀ |
ପର୍ବ ପାଳନ | Community, historical celebrations |
ତାରିଖ | ୧୪ ଅପ୍ରେଲ |
ପୁନଃପୌନିକତା | Annual |
ସମ୍ପର୍କିତ | Ashok Vijaya Dashmi Constitution Day (India) |
ମୁମ୍ବାଇର ଚୈତ୍ୟଭୂମି ଓ ନାଗପୁରର ଦିକ୍ଷାଭୂମିରୁ ତାଙ୍କର ଅନୁଗାମୀମାନେ ଏକ ଶୋଭାଯାତ୍ରାରେ ବାହାରନ୍ତି । ପରମ୍ପରାକ୍ରମେ ନୂଆ ଦିଲ୍ଲୀର ପାର୍ଲିଆମେଣ୍ଟ ଭବନରେସ୍ଥିତ ଆମ୍ବେଦକରଙ୍କ ପ୍ରତିମୂର୍ତ୍ତିରେ ଭାରତର ରାଷ୍ଟ୍ରପତି, ପ୍ରଧାନ ମନ୍ତ୍ରୀ ଓ ଅନ୍ୟାନ୍ୟ ରାଜନୈତିକ ପାର୍ଟିର ନେତାମାନେ ଶ୍ରଦ୍ଧାଞ୍ଜଳୀ ଦେଇ ସମ୍ମାନିତ କରନ୍ତି । ସାରା ପୃଥିବୀର ଦଳିତ, ଆଦିବାସୀ, ଶ୍ରମିକ, ତାଙ୍କ ପଦାଙ୍କ ଅନୁସରଣ କରୁଥିବା ବୌଦ୍ଧ ମହିଳାମାନେ ଏହି ଦିବସଟି ପାଳନ କରନ୍ତି । ଆମ୍ବେଦକର ଜୟନ୍ତୀ ଅନଲାଇନରେ ୨୦୨୦ ମସିହାରୁ ପାଳନ କରାଯାଉଛି ।
ଡ. ବାବାସାହେବ ଆମ୍ବେଦକର ଜୟନ୍ତୀ ଭାରତର ୨୫ଟି ରାଜ୍ୟ ଓ ଯୁନିଅନ ଟେରିଟରିରେ ପାଳନ କରାଯାଉଛି, ଯଥା:- ଆନ୍ଧ୍ର ପ୍ରଦେଶ, ବିହାର, ଚଣ୍ଡୀଗଡ଼, ଛତିଶଗଡ଼, ଗୋଆ, ଗୁଜରାଟ, ହରିଆନା, ହିମାଚଳ ପ୍ରଦେଶ, ଜାମୁ ଓ କାଶ୍ମୀର, ଝାଡ଼ଖଣ୍ଡ, କର୍ଣ୍ଣାଟକ, କେରଳ, ଲଦାଖ, ମଧ୍ୟପ୍ରଦେଶ, ମହାରାଷ୍ଟ୍ର, ଓଡ଼ିଶା, ପଣ୍ଡିଚେରୀ, ପଞ୍ଜାବ, ରାଜସ୍ଥାନ, ସିକ୍କିମ, ତାମିଲନାଡୁ, ତେଲେଙ୍ଗାନା, ଉତ୍ତରାଖଣ୍ଡ, ଉତ୍ତର ପ୍ରଦେଶ, ପଶ୍ଚିମବଙ୍ଗ ଇତ୍ୟାଦି ।
ଭାରତୀୟ ପୋଷ୍ଟ ୧୯୬୬, ୧୯୭୩, ୧୯୯୧, ଓ ୨୦୧୩ରେ ଆମ୍ବେଦକରଙ୍କ ସମ୍ମାନାର୍ଥେ ଡାକ ଟିକେଟ ପ୍ରଚଳନ କରିଥିଲେ ଓ ଟିକେଟ ଉପରେ ତାଙ୍କର ଛବି ୨୦୦୯, ୨୦୧୫, ୨୦୧୭ ଓ ୨୦୨୦ ମସିହାରେ ସ୍ଥାପନ କରିଥିଲେ ।
ଅପ୍ରେଲ ୧୪ ତାରିଖ ୧୯୯୦ ମସିହାରେ ଆମ୍ବେଦକରଙ୍କୁ ଭାରତରତ୍ନ ପୁରସ୍କାର ଦିଆଯାଇଥିଲା । ସେହି ବର୍ଷ ପାର୍ଲିଆମେଣ୍ଟର ସେଣ୍ଟ୍ରାଲ ହଲରେ ତାଙ୍କର ଏକ ପୂର୍ଣ୍ଣାବୟବ ଛବି ସ୍ଥାପନ କରାଯାଇଥିଲା । ତାଙ୍କ ସ୍ମୃତିରେ ୧୪ ଅପ୍ରେଲ ୧୯୯୦ରୁ ୧୪ ଅପ୍ରେଲ ୧୯୯୯୧ ପର୍ଯ୍ୟନ୍ତ ସାମାଜିକ ନ୍ୟାୟ ଦିବସ ପାଳନ କରାଯାଇଥିଲା ।
ଭାରତ ସରକାର ଆମ୍ବେଦକରଙ୍କ ୧୨୫ ତମ ଜନ୍ମ ଦିବସରେ ତାଙ୍କ ସମ୍ମାନାର୍ଥେ ୨୫ ଓ ୧୨୫ ଟଙ୍କିଆ ମୁଦ୍ରା ପ୍ରଚଳନ କରିଥିଲେ ।
ଅପ୍ରେଲ ୧୪ ତାରିଖ ୨୦୧୫ ମସିହାରେ ଆମ୍ବେଦକରଙ୍କ ୧୨୫ ତମ ଜୟନ୍ତୀ ଉପଲକ୍ଷେ ଗୁଗୁଲ ଡୁଡୁଲ ଛପା ହୋଇଥିଲା । ଏହି ଡୁଡୁଲ ଭାରତ, ଆର୍ଜେଣ୍ଟିନା, ଚିଲି, ଆୟାରଲାଣ୍ଡ, ପେରୁ, ପୋଲାଣ୍ଡ ସୁଇଡେନ ଓ ଇଂଲଣ୍ଡରେ ସ୍ଥାନ ପାଇଥିଲା ।
ମିଳିତ ଜାତିସଂଘ ୨୦୧୬, ୨୦୧୭ ଓ ୨୦୧୮ ମସିହାରେ ଆମ୍ବେଦକର ଜୟନ୍ତୀ ପାଳନ କରିଥିଲା ।
ଆମ୍ବେଦକରଙ୍କ ସ୍ମୃତିରେ ମହାରାଷ୍ଟ୍ର ସରକାର ୧୪ ଅପ୍ରେଲ ତାରିଖକୁ ଜ୍ଞାନ ଦିବସ ରୂପେ ପାଳନ କରୁଛନ୍ତି ।.
ଆମ୍ବେଦକରଙ୍କ ଜନ୍ମଦିନରେ ତାଙ୍କ ସମ୍ମାନ ଉପଲକ୍ଷେ ୨୦୧୭ ମସିହାରେ ଟୁଇଟର ଏକ ଇମୋଜି ପ୍ରଚାଳନ କରିଛନ୍ତି ।
୬ ଅପ୍ରେଲ ୨୦୨୦ରେ କାନାଡାରେ ଡ. ଆମ୍ବେଦକର ସମତା ଦିବସ ପାଳନ କରିବାକୁ ଫଇସଲା କଲେ । କାନାଡାସ୍ଥିତ ବର୍ଣ୍ଣାବିର ସିଟି କାଉନସିଲ ଏହି ଫଇସଲା କରିଥିଲେ ।
କାନାଡାର ବ୍ରିଟିଶ କଲମ୍ବିଆ ସରକାର ୧୪ ଅପ୍ରେଲ ଦିନଟିକୁ ଡ. ଆମ୍ବେଦକର ସମତା ଦିବସ ରୂପେ ପାଳନ କରିବାକୁ ସ୍ଥିର କରିଛନ୍ତି ।
This article uses material from the Wikipedia ଓଡ଼ିଆ article ଆମ୍ବେଦକର ଜୟନ୍ତୀ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.