ରବି ମିଶ୍ର (ମୃତ୍ୟୁ: ୨୦ ଜାନୁଆରୀ ୨୦୨୧) ଜଣେ ଓଡ଼ିଆ ହାସ୍ୟ ଅଭିନେତା ଥିଲେ, ଯିଏକି ଓଡ଼ିଆ କଥାଚିତ୍ର, ଦୂରଦର୍ଶନ ଧାରାବାହିକ, ସିଡି ଫିଲ୍ମ ଏବଂ ମଞ୍ଚ ନାଟକରେ ଅଭିନୟ କରୁଥିଲେ । ଡିଡି ଓଡ଼ିଆରେ ପ୍ରସାରତି କାର୍ଯ୍ୟକ୍ରମ ଗୋପାଳର ରହସ୍ୟରେ ସେ ଗୋପାଳ ଭାଣ୍ଡ ଭୂମିକାରେ ଅଭିନୟ କରିଥିଲେ, ଯାହାକୁ ତାଙ୍କୁ ଘରେ ଘରେ ପରଚିତ କରାଇଥିଲା । ୧୯୭୯ ମସିହାରେ ସେ ଓଡ଼ିଆ କଥାଚିତ୍ର ଜଗତରେ କାମ କରିବା ଆରମ୍ଭ କରିଥିଲେ । ତାଙ୍କ ଅଭିନୀତ ପ୍ରଥମ ଓଡ଼ିଆ କଥାଚିତ୍ର ଥିଲା ରାମାୟଣ । ଭାଇ ହେଲା ଭଗାରି, ସକଳ ତୀର୍ଥ ତୋ ଚରଣେ, ସୌଭାଗ୍ୟବତୀ, ଧଉଳି ଏକ୍ସପ୍ରେସ୍ ଭଳି ଅନେକ ସଫଳ ଓଡ଼ିଆ ଚଳଚ୍ଚିତ୍ରରେ ଅଭିନୟ କରିଥିଲେ ।
ରବି ମିଶ୍ର | |
---|---|
ଜନ୍ମ | ୧୬ ଅକ୍ଟୋବର ୧୯୫୪ |
ମୃତ୍ୟୁ | ୨୦ ଜାନୁଆରୀ ୨୦୨୧ | (୬୪ ବର୍ଷ)
ବୃତ୍ତି | ଓଡ଼ିଆ ଅଭିନେତା |
ସକ୍ରିୟ ବର୍ଷ | ୧୯୭୯ - ୨୦୨୧ |
ପୁରସ୍କାର | ରାଜ୍ୟ ଚଳଚ୍ଚିତ୍ର ପୁରସ୍କାର (ଲକ୍ଷ୍ମୀର ଅଭିସାର ପାଇଁ) |
ରବି ମିଶ୍ର ୧୯୫୪ ମସିହାରେ ଅକ୍ଟୋବର ୧୬ରେ ଯାଜପୁରଠାରେ ଜନ୍ମଗ୍ରହଣ କରିଥିଲେ ।
ରବି ମିଶ୍ର କଲେଜରେ ପାଠ ପଢ଼ିବା ସମୟରୁ ଅଭିନୟ କରିବା ଆରମ୍ଭ କରିଥିଲେ । ସେ ସ୍ନାତକ ପଢ଼ିବାବେଳେ ତାଙ୍କର ମହାବିଦ୍ୟାଳୟର ଏକ ନାଟକରେ ଜଣେ ମାରୁଆଡ଼ି ଭୂମିକାରେ ଅଭିନୟ କରିଥିଲେ । ଏହାପରେ ସେ ୧୯୭୯ ମସିହାରେ ଓଡ଼ିଆ କଥାଚିତ୍ର ଜଗତରେ ଅଭିନୟ କରିବା ଆରମ୍ଭ କରିଥିଲେ । ତାଙ୍କ ଅଭିନୀତ ପ୍ରଥମ କଥାଚିତ୍ର ଥିଲା ଧୀର ବିଶ୍ୱାଳଙ୍କ ପ୍ରଯୋଜିତ ରାମାୟଣ, ଯେଉଁଥିରେ ସେ ସୁଗ୍ରୀବ ଭୂମିକାରେ ଅଭିନୟ କରିଥିଲେ । ୧୭ ଜାନୁଆରୀ ୨୦୨୦ରେ ନନ୍ଦିଘୋଷ ଟିଭିକୁ ଦେଇଥିବା ଏକ ସାକ୍ଷାତକାର ଅନୁସାରେ ସେ କୁସ୍ତି କରୁଥିଲେ, ତେଣୁ ଜଣେ ପହିଲୀମାନ ଭାବରେ ତାଙ୍କୁ ସୁଗ୍ରୀବ ଚରିତ୍ରରେ ଅଭିନୟ ପାଇଁ ସୁଯୋଗ ମିଳିଥିଲା । ସେ ଓଡ଼ିଆ କଥାଚିତ୍ର ଜଗତରେ ଉଭୟ ସକାରତ୍ମକ ଏବଂ ଖଳନାୟକ ଭୂମିକାରେ କାର୍ଯ୍ୟ କରିଥିଲେ ।
ରବି କଥାଚିତ୍ରରେ ଅଭିନୟ କରିବା ପରେ ଡିଡି ଓଡ଼ିଆର ପ୍ରଥମ ଧାରାବାହିକ କଲିକତି ଚେଙ୍କରେ ଅଭିନୟ କରିଥିଲେ । ସେ ଡିଡି ଓଡ଼ିଆର ୨୯ଟି ଧାରାବାହିକରେ ଅଭିନୟ କରିଥିଲେ । ୧୯୯୧ ମସିହାରେ ନୂଆବର୍ଷ ଅବସରରେ ଡିଡି ଓଡ଼ିଆର ଏକ କାର୍ଯ୍ୟକ୍ରମ ଦର୍ପଣରେ ଯଦୁମଣିଙ୍କ ଭୂମିକା ରବି ମିଶ୍ରଙ୍କର ଅଭିନୟ ଜୀବନର ମୋଡ଼ ବଦଳାଇଥିଲା । ତାଙ୍କ ଅଭିନୀତ ଗୋପାଳ ଭାଣ୍ଡ ଚରିତ୍ର ଦର୍ଶକଙ୍କଦ୍ୱାରା ଆଦୃତ ହୋଇଥିଲା ଏବଂ ସେ ସେହି ଚରିତ୍ର ନାମରେ ଖ୍ୟାତିଲାଭ କରିଥିଲେ । ସେ ତାଙ୍କର ମୃତ୍ୟୁଯାଏଁ ଅଭିନୟ କରୁଥିଲେ । ତାଙ୍କ ମୃତ୍ୟବେଳକୁ ସେ ଜୀ ସାର୍ଥକର ହେ ପ୍ରଭୁ ନାମକ ଏକ ଧାରାବାହିକରେ ଜେଜେ ଭୂମିକାରେ କରୁଥିଲେ ।
ବର୍ଷ | କଥାଚିତ୍ର | ଭୂମିକା | ମନ୍ତବ୍ୟ |
---|---|---|---|
୧୯୭୯ | ରାମାୟଣ | ସୁଗ୍ରୀବ | ପ୍ରଥମ ଓଡ଼ିଆ କଥାଚିତ୍ର |
୧୯୯୫ | ସକଳ ତୀର୍ଥ ତୋ ଚରଣେ | ପ୍ରତାପ | ଖଳନାୟକ |
୧୯୯୮ | ସୌଭାଗ୍ୟବତୀ | ସଚି | |
ଲକ୍ଷ୍ମୀର ଅଭିସାର | ରାଜ୍ୟ ଚଳଚ୍ଚିତ୍ର ପୁରସ୍କାର ପାଇଥିଲେ | ||
୧୯୯୯ | ରାକ୍ଷୀ ଭିଜିଗଲା ଆଖି ଲୁହରେ | ||
ମା ପରି କିଏ ହେବ | |||
ଧର୍ମ ନିକିତି | |||
୨୦୦୨ | ରଙ୍ଗ୍ ନମ୍ବର | ||
ମନ ରହିଗଲା ତୁମରି ଠାରେ | କୁଞ୍ଜ ବିହାରୀ ମିଶ୍ର | ||
୨୦୦୩ | ମା ମଙ୍ଗଳା | ||
୨୦୦୪ | ଜ୍ୱାଇଁର ଚଉକାକୁ ଶଶୁରର ଛକା | ଶଶୁର | ସିଡି ଫିଲ୍ମ |
୨୦୦୫ | ଅର୍ଜୁନ | କୁଳମଣି ସାମଲ | |
୨୦୦୬ | ପ୍ରିୟା ମୋ ଆସିବ ଫେରି | ରାମ ନାରାୟଣ ପଣ୍ଡା | |
ଶଶୁରଘର ଜିନ୍ଦାବାଦ | ବାହାଘର ପଣ୍ଡିତ | ||
୨୦୦୭ | ରସିକ ନାଗର | ରାଜାର ବାପା | |
ମୋନିକା ଓ ମାଇଁ ଡାର୍ଲିଙ୍ଗ | |||
ଧଉଳି ଏକ୍ସପ୍ରେସ୍ | ପଚା/ଦୋକନର ମାଲିକ | ||
୨୦୦୮ | ସତ୍ୟ ମେବ ଜୟତେ | ଦିନା | |
୨୦୦୯ | ମୁଖ୍ୟମନ୍ତ୍ରୀ | ବିଧାୟକ | |
୨୦୧୦ | ତତେ ଭଲ ପାଉଛି ବୋଲି | ||
୨୦୧୨ | ଲଭ୍ ମାଷ୍ଟର | ପୁରୋହିତ | |
୨୦୧୩ | ରୁମ୍କୁ ଝୁମାନା | ନିତ୍ୟାନନ୍ଦ | |
ତୁ ମୋ ଦେହର ଛାଇ | |||
୨୦୧୫ | ଆପନା ହାତ ଜଗନ୍ନାଥ | ||
୨୦୧୯ | ମାଲ୍ ମହୁ ଜୀବନ ମାଟି |
ଧାରାବାହିକ | ଚେନାଲ୍ | ଭୂମିକା | ମନ୍ତବ୍ୟ |
---|---|---|---|
କଲିକତି ଚେଙ୍କ | ଡିଡି ଓଡ଼ିଆ | ଡିଡି ଓଡ଼ିଆର ପ୍ରଥମ ଧାରାବାହିକ | |
ଗୋପାଳ ରହସ୍ୟ | ଡିଡି ଓଡ଼ିଆ | ଗୋପାଳ ଭାଣ୍ଡ | |
ଦେବୀ ଦୁର୍ଗା | ଡିଡି ଓଡ଼ିଆ | ||
ବଡ଼ ଘର ବଡ଼ ଗୁମର କଥା | ଇ ଟିଭି ଓଡ଼ିଆ | ଅଞ୍ଜଳୀର ବାପା | |
ଶଙ୍ଖା ସିନ୍ଦୂର | ତରଙ୍ଗ ଟିଭି | ଜେଜେବାପା | |
କାଳିଜାଇ | ତରଙ୍ଗ ଟିଭି | ଜେମାମଣିଙ୍କ ଗୁମାସ୍ତା | |
ହେ ପ୍ରଭୁ | ଜୀ ସାର୍ଥକ | ଜେଜେ |
ରବି ମିଶ୍ରଙ୍କୁ ଓଡ଼ିଆ କଥାଚିତ୍ର ଲକ୍ଷ୍ମୀର ଅଭିସାର ପାଇଁ ରାଜ୍ୟ ଚଳଚ୍ଚିତ୍ର ପୁରସ୍କାର ମିଳିଥିଲା ।
ରବି ୨୦୨୧ ମସିହାର ଜାନୁଆରୀ ୨୦ ତାରିଖରେ ହୃଦ୍ଘାତ ଯୋଗୁଁ ମୃତ୍ୟୁବରଣ କରିଥିଲେ । ମୃତ୍ୟୁବେଳକୁ ତାଙ୍କୁ ୬୪ ବର୍ଷ ବୟସ ହୋଇଥିଲା । ୧୯ ଜାନୁଆରୀ ୨୦୨୧ରେ ସେ ଏକ ସୁଟିଂରେ ହୃଦ୍ଘାତ ହେବାର ଅଭିନୟ କରୁଥିବାବେଳେ ତାଙ୍କୁ ଯନ୍ତ୍ରଣା ଅନୁଭବ ହେଇଥିଲା ଏବଂ ପରେ ରାତିରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ତାଙ୍କର ମୃତ୍ୟୁ ପରେ ଓଡ଼ିଶାର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟୁଇଟ୍ କରି ଶୋକ ପ୍ରକାଶ କରିଥିଲେ ।
This article uses material from the Wikipedia ଓଡ଼ିଆ article ରବି ମିଶ୍ର, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.