ଧୀର ବିଶ୍ୱାଳ: ଓଡ଼ିଆ କଥାଚିତ୍ର ଅଭିନେତା, ପ୍ରଯୋଜକ
ଧୀର ବିଶ୍ୱାଳ(ଜନ୍ମ : ୨୦/୦୬/୧୯୨୯) ଜଣେ ଓଡ଼ିଆ କଥାଚିତ୍ର ଅଭିନେତା, ପ୍ରଯୋଜକ ଓ ନିର୍ଦ୍ଦେଶକ ଥିଲେ । ୧୯୮୦ ମସିହାରେ ସେ ଓଡ଼ିଆ କଥାଚିତ୍ରରେ ଅବଦାନ ପାଇଁ ଜୟଦେବ ପୁରସ୍କାର ଲାଭ କରିଥିଲେ ।
ଧୀରେନ୍ଦ୍ରନାଥ ବିଶ୍ୱାଳ | |
|---|---|
| ଜନ୍ମ | ୨୦ ଜୁନ ୧୯୨୯ |
| ମୃତ୍ୟୁ | ୪ ଡିସେମ୍ବର ୧୯୯୫ (ବୟସ ୬୬) |
| ଶିକ୍ଷା | ସ୍ନାତକ(ଆଇନ) |
| ଶିକ୍ଷାନୁଷ୍ଠାନ | ମଧୁସୁଦନ ଆଇନ ମହାବିଦ୍ୟାଳୟ,ରେଭେନ୍ସା ମହାବିଦ୍ୟାଳୟ |
| ବୃତ୍ତି(ସମୂହ) | ଅଭିନେତା, ପ୍ରଯୋଜକ ଓ ନିର୍ଦ୍ଦେଶକ |
ଜୀବନୀ
ଧୀର, ୧୯୨୯ ମସିହାରେ କଟକରେ ଜନ୍ମଗ୍ରହଣ କରିଥିଲେ । ରେଭେନ୍ସା ମହାବିଦ୍ୟାଳୟରେ ପାଠ ପଢିଲାବେଳୁ ତାଙ୍କ ଅଭିନୟ ଦକ୍ଷତା ଲୋକଲୋଚନକୁ ଆସିଥିଲା । କଂସ ଭୁମିକାରେ ଅଭିନୟ କରି ଏତେ ଲୋକପ୍ରିୟ ହୋଇଥିଲେ ଯେ, ସାଙ୍ଗସାଥୀମାନେ ତାଙ୍କୁ କଂସ ବୋଲି ଡାକୁଥିଲେ । ରେଭେନ୍ସା ମହାବିଦ୍ୟାଳୟରେ ଓ ପରେ ମଧୁସୂଦନ ଆଇନ ମହାବିଦ୍ୟାଳୟରେ ସେ ନାଟ୍ୟ ସମ୍ପାଦକ ଭାବରେ ନିର୍ବାଚିତ ହୋଇଥିଲେ । ଓଡ଼ିଶା ସଚିବାଳୟରେ ଜଣେ କର୍ମଚାରୀ ଭାବରେ ସେ ନିଜର କର୍ମଜୀବନ ଆରମ୍ଭ କରିଥିଲେ । କିଛିଦିନ ପରେ ଚାକିରି ଛାଡି, ମଧୁସୂଦନ ଆଇନ ମହାବିଦ୍ୟାଳୟରେ ଆଇନ ପାଠ ପଢ଼ିଥିଲେ । ମଧୁସୂଦନ ଆଇନ ମହାବିଦ୍ୟାଳୟର ଏଲଏଲବି ଡିଗ୍ରୀ ହାସଲ କରିବାପରେ ଓଡ଼ିଶା ଉଚ୍ଚ ନ୍ୟାୟାଳୟରେ ଓକିଲାତି ଆରମ୍ଭ କରିଥିଲେ । ଅଭିନୟପ୍ରତି ଆକର୍ଷଣ ଯୋଗୁ, ସେ ବେଶୀ ସମୟ ସେଥିପ୍ରତି ଓ କମ ସମୟ ଓକିଲାତିରେ ଦେଇଥିଲେ ।
ଓଡ଼ିଆ କଥାଚିତ୍ରରେ ଅବଦାନ
କେଦାର ଗୌରୀ ଧୀର ବିଶ୍ୱାଳଙ୍କ ଅଭିନୀତ ପ୍ରଥମ ଚଳଚ୍ଚିତ୍ର ଥିଲା । ଏଥିରେ ଖଳନାୟକ 'ରାହୁ' ଭୂମିକାରେ ସେ ଅଭିନୟ କରିଥିଲେ । ୧୯୬୨ମସିହାରେ ସେ ନିଜର ପ୍ରଯୋଜନା ସଂସ୍ଥା ପଞ୍ଚସଖା ପିକଚର୍ସ ଆରମ୍ଭ କରିଥିଲେ । ପଞ୍ଚସଖା ପିକଚର୍ସର ପ୍ରଥମ ଚଳଚ୍ଚିତ୍ର ଥିଲା ନୂଆ ବୋଉ । ସେ ପ୍ରାୟ ୫୦ଟି ଓଡ଼ିଆ ଚଳଚ୍ଚିତ୍ରର ପ୍ରଯୋଜନା ସହିତ ଜଡ଼ିତ ରହିଥିଲେ ।
ଅଭିନୀତ ଚଳଚ୍ଚିତ୍ର
- କେଦାର ଗୌରୀ
- ଶ୍ରୀ ଶ୍ରୀ ମହାଲକ୍ଷ୍ମୀ ପୂଜା
- ଦସ୍ୟୁ ରତ୍ନାକର
- ପରିଣାମ
- କିଏ କାହାର
- ଧରିତ୍ରୀ
- ନବଜନ୍ମ
- ରାମାୟଣ (୧୯୮୦)
ପ୍ରଯୋଜୀତ ଚଳଚ୍ଚିତ୍ର
- ନୂଆ ବୋଉ
- ମାଣିକ ଯୋଡ଼ି
- ନବଜନ୍ମ
- କିଏ କାହାର
- ଅଗ୍ନିବୀଣା
- ଗୌରୀ
ସମ୍ମାନ ଓ ପୁରସ୍କାର
- ଜୟଦେବ ପୁରସ୍କାର - ୧୯୮୦
- ରାଜ୍ୟ ଚଳଚ୍ଚିତ୍ର ପୁରସ୍କାର(ଧରିତ୍ରୀ ଓ ଅଗ୍ନିବୀଣା ଚଳଚ୍ଚିତ୍ର)
- ଶ୍ରେଷ୍ଠ ନିର୍ଦ୍ଦେଶକ(ଗୌରୀ ଚଳଚ୍ଚିତ୍ର)
ଆଧାର
ବାହାର ଆଧାର
- ଇଣ୍ଟରନେଟ ମୁଭି ଡାଟାବେସରେ ଧୀର ବିଶ୍ୱାଳ
This article uses material from the Wikipedia ଓଡ଼ିଆ article ଧୀର ବିଶ୍ୱାଳ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.