ତୀବ୍ର ପ୍ରୋଷ୍ଟେଟ ପ୍ରଦାହ ବା ଆକ୍ୟୁଟ୍ ପ୍ରୋଷ୍ଟାଟାଇଟିସ୍ ହେଉଛି ଏକ ପ୍ରକାର ପ୍ରୋଷ୍ଟାଟାଇଟିସ୍ ଯାହା ହଠାତ୍ ଆରମ୍ଭ ହୁଏ | ଲକ୍ଷଣଗୁଡ଼ିକରେ ଶ୍ରୋଣୀ ବା ପେଲଭିସରେ ଯନ୍ତ୍ରଣା କିମ୍ବା ତଳ ପିଠି ଯନ୍ତ୍ରଣା, ଜ୍ୱର ଏବଂ ପରିସ୍ରା କରିବା ସମୟରେ ଯନ୍ତ୍ରଣା ହୋଇଥାଏ | ରୋଗ ଜଟିଳ ହେଲେ ମୂତ୍ର ଅବଧାରଣ, ପ୍ରୋଷ୍ଟ ଆବସେସ ଓ କ୍ରନିକ ପ୍ରୋଷ୍ଟେଟ ପ୍ରଦାହ ହୋଇପାରେ ।
Acute prostatitis | |
---|---|
Acute bacterial prostatitis | |
ବିଭାଗ | Urology |
ଲକ୍ଷଣ | Sudden onset pelvic pain, fever, pain with urination |
ଆକ୍ରାନ୍ତ ସମୟ | 20s or 30s |
କାରଣ | Bacterial infection |
ବିପଦ କାରକ | Urinary tract infection, urinary catheter, prostate biopsy, sexually transmitted infection, anal sex |
ରୋଗ ନିର୍ଣ୍ଣୟ ପଦ୍ଧତି | Based on symptoms, examination, urine testing |
ସଠିକ ରୋଗ ନିର୍ଣ୍ଣୟ | Pyelonephritis, urethritis, prostate cancer |
ଚିକିତ୍ସା | Antibiotics, pain medication |
ପୁନଃପୌନିକ | Rare |
ତୀବ୍ର ପ୍ରୋଷ୍ଟେଟ ପ୍ରଦାହ ସାଧାରଣତଃ ପ୍ରୋଷ୍ଟେଟ ଗ୍ରନ୍ଥିରେ ଜୀବାଣୁ ସଂକ୍ରମଣ ଯୋଗୁ ହୋଇଥାଏ । ବିଭିନ୍ନ ପ୍ରକାରର ଜୀବାଣୁ ଯୋଗୁ ସଂକ୍ରମଣ ହେଉଥିଲେ ମଧ୍ୟ ମୁଖ୍ୟତଃ ଏସ୍କରିସିଆ କୋଲାଇ ଯୋଗୁ ହୁଏ । ମୂତ୍ରାଶୟ ସଂକ୍ରମଣ, ମୂତ୍ରାଶୟ କାଥେଟର, ପ୍ରୋଷ୍ଟେଟ ବାୟୋପ୍ସି, ଯୌନ ସଞ୍ଚାରିତ ସଂକ୍ରମଣ ଓ ମଳଦ୍ୱାର ଯୌନ ସଂମ୍ଭୋଗ ଇତ୍ୟାଦି ଏହି ରୋଗର ସଙ୍କଟ କାରକ ଅଟନ୍ତି । ରୋଗ ନିର୍ଣ୍ଣୟ ସାଧାରଣତଃ ଲକ୍ଷଣ, ପରୀକ୍ଷା ଏବଂ ପରିସ୍ତା ପରୀକ୍ଷା ଉପରେ ଆଧାରିତ ହୋଇଥାଏ । ପ୍ରୋଷ୍ଟେଟ ପରୀକ୍ଷା କରିବା ସମୟରେ ତାହାକୁ ମାଲିସ କରିବାକୁ ସୁପାରିଶ କରାଯାଏ ନାହିଁ |
ଚିକିତ୍ସାରେ ସାଧାରଣତଃ ଦୁଇରୁ ଚାରି ସପ୍ତାହ ପର୍ଯ୍ୟନ୍ତ ଆଣ୍ଟିବାୟୋଟିକ ଦିଆଯାଏ । ଯନ୍ତ୍ରଣା ଲାଘବ ନିମନ୍ତେ ଔଷଧ ମଧ୍ୟ ଆବଶ୍ୟକ ହୋଇପାରେ। ମୂତ୍ର ଅବରୋଧ ହେଉଥିଲେ ମୂତ୍ର କାଥେଟର ଆବଶ୍ୟକ ହୁଏ । ଫୁଲା କମେଇବା ପାଇଁ ଆଲଫା ବ୍ଲକର ଏବଂ ନନଷ୍ଟିରଏଡାଲ ଆଣ୍ଟ-ଇନ୍ଫ୍ଲାମେଟୋରୀ ଔଷଧ ଉପଯୋଗୀ ହୋଇପାରେ। ଚିକିତ୍ସାର ଫଳାଫଳ ସାଧାରଣତଃ ଭଲ ଅଟେ।
ତୀବ୍ର ପ୍ରୋଷ୍ଟେଟ ପ୍ରଦାହ ଏକ ବିରଳ ରୋଗ ଅଟେ | ସମସ୍ତ ପ୍ରୋଷ୍ଟାଟାଇଟିସ୍ ରୋଗର ଏହା ୫ରୁ ୧୦% ମାତ୍ର ହୋଇଥାଏ | ୨୦ରୁ ୩୦ ଦଶକରେ ସାଧାରଣତଃ ଏହି ରୋଗ ହୁଏ । ଏହି ରୋଗ ବିଷୟ ପ୍ରଥମେ ୧୮୩୮ମସିହାରେ ଭର୍ଡିଜ ବର୍ଣ୍ଣନା କରିଥିଲେ ।
This article uses material from the Wikipedia ଓଡ଼ିଆ article ତୀବ୍ର ପ୍ରୋଷ୍ଟେଟ ପ୍ରଦାହ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.