ଅଷ୍ଟମୀ
'ଅଷ୍ଟମୀ' ଚନ୍ଦ୍ରପକ୍ଷର ଅଷ୍ଟମ ଦିବସ - ଚନ୍ଦ୍ରର ଅଷ୍ଟମ କଳାର ହ୍ରାସ ବା ବୃଦ୍ଧିଜନିତ ତିଥି । ସପ୍ତମୀର ପରବର୍ତ୍ତୀ ଓ ନବମୀର ପୂର୍ବବର୍ତ୍ତୀ ତିଥି । କୃଷ୍ଣ ପକ୍ଷର ଅଷ୍ଟମୀକୁ କୃଷ୍ଣା ଅଷ୍ଟମୀ ବା କୃଷ୍ଣାଷ୍ଟମୀ ଓ ଶୁକ୍ଳ ପକ୍ଷର ଅଷ୍ଟମୀକୁ ଶୁକ୍ଳା ଅଷ୍ଟମୀ ବା ଶୁକ୍ଳାଷ୍ଟମୀ କୁହାଯାଇଥାଏ ।
- କାଳାଷ୍ଟମୀ: ପ୍ରତ୍ୟେକ ମାସର କୃଷ୍ଣ ପକ୍ଷର ଅଷ୍ଟମୀ ।
- ବୁଧାଷ୍ଟମୀ: ମାର୍ଗଶିର, ମାଘ, ଫଗୁଣ, ବୈଶାଖ ଓ ଜ୍ୟୈଷ୍ଠ ଏହି ୫ମାସରେ ଶୁକ୍ଳ ଅଷ୍ଟମୀ ତିଥି ଦିନ ବୁଧବାର ହୋଇଥିଲେ ବୁଧାଷ୍ଟମୀ ପାଳନ କରାଯାଏ ।
- ଚୈତ୍ର ଶୁକ୍ଳାଷ୍ଟମୀ: ଅଶୋକାଷ୍ଟମୀ - ଲିଙ୍ଗରାଜଙ୍କ ରୁକୁଣା ରଥ ଯାତ୍ରା
- ଆଷାଢ଼ ଶୁକ୍ଳାଷ୍ଟମୀ: ପର୍ଶୁରାମାଷ୍ଟମୀ - ଲିଙ୍ଗରାଜ ମହାପ୍ରଭୁଙ୍କ ଯାତ୍ରା ।
- ଭାଦ୍ରବ ଶୁକ୍ଳାଷ୍ଟମୀ:ଦୁର୍ବ୍ୱାଷ୍ଟମୀ, ରାଧାଜନ୍ମାଷ୍ଟମୀ ବା ରାଧାଷ୍ଟମୀ- ରାଧା ଏହିଦିନ ଜନ୍ମଗ୍ରହଣ କରିଥିଲେ ।
- ଭାଦ୍ରବ କୃଷ୍ଣାଷ୍ଟମୀ: କୃଷ୍ଣ ଜନ୍ମାଷ୍ଟମୀ ଓ ଦୂର୍ଗାଜନ୍ମାଷ୍ଟମୀ ।
- ଆଶ୍ୱିନ ଶୁକ୍ଳାଷ୍ଟମୀ: ମହାଷ୍ଟମୀ- ଦୁର୍ଗା ପୂଜା
- ଆଶ୍ୱିନ କୃଷ୍ଣାଷ୍ଟମୀ: ଜିତାଷ୍ଟମୀ ବା ମୂଳାଷ୍ଟମୀ ବା ଜୀମୂତାଷ୍ଟମୀ: ଦୂତୀବାହନ ଓଷା (ଜୀମୂତବାହନ ପୂଜା);
- ଆଶ୍ୱିନ କୃଷ୍ଣପକ୍ଷର ଅଷ୍ଟମୀ ଦିନ ଦୂର୍ଗାଙ୍କର ଶରତକାଳୀନ ଦୁର୍ଗୋତ୍ସବ ବା ଷୋଳପୂଜାର ମୂଳ ଅର୍ଥାତ ଆରମ୍ଭ ହେଉଥିବାରୁ ଏହା ମୂଳାଷ୍ଟମୀ ଭାବେ ପରିଚିତ ।
- କାର୍ତ୍ତିକ ଶୁକ୍ଳାଷ୍ଟମୀ: ଗୋଷ୍ଟାଷ୍ଟମୀ ବା ଗୋପାଷ୍ଟମୀ - ଗୋସେବା ଉତ୍ସବ ।
- ଏହି ଦିନ ଶ୍ରୀକୃଷ୍ଣ ପ୍ରଥମେ ଗୋରୁ ଚରାଇବା ଆରମ୍ଭ କରିଥିଲେ ।
- ମାର୍ଗଶିର କୃଷ୍ଣାଷ୍ଟମୀ: ପ୍ରଥମାଷ୍ଟମୀ/ମହାକାଳାଷ୍ଟମୀ- ଓଡ଼ିଶାରେ ପୋଢୁଆଁ ଅଷ୍ଟମୀ ଓ ଲିଙ୍ଗରାଜ ମହାପ୍ରଭୁଙ୍କ ଯାତ୍ରା ।
- ଓଡ଼ିଆ ପରମ୍ପରା ଅନୁଯାୟୀ ପ୍ରଥମାଷ୍ଟମୀ ଦିନ ଘରର ଜ୍ୟେଷ୍ଠ ସନ୍ତାନ ସେ କନ୍ୟା ହେଉ କି ପୁତ୍ର ତାକୁ ନୂତନ ବସ୍ତ୍ର ପିନ୍ଧାଇ ବନ୍ଦାପନା କରାଯାଏ ।
- ମାଘ ଶୁକ୍ଳାଷ୍ଟମୀ: ଭୀଷ୍ମାଷ୍ଟମୀ- ଅପୁତ୍ରିକ ଭୀଷ୍ମଙ୍କ ଉଦ୍ଦେଶ୍ୟରେ ପ୍ରତ୍ୟେକ ହିନ୍ଦୁଗୃହସ୍ଥଙ୍କ କରଣୀୟ ଶ୍ରାଦ୍ଧ ।
ଆଧାର
This article uses material from the Wikipedia ଓଡ଼ିଆ article ଅଷ୍ଟମୀ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ଦର୍ଶାଯାଇନଥିଲେ ସମସ୍ତ ବିଷୟବସ୍ତୁ CC BY-SA 4.0 ରେ ଉପଲବ୍ଧ । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ଓଡ଼ିଆ (DUHOCTRUNGQUOC.VN) is an independent company and has no affiliation with Wiki Foundation.