«Lily of the Valley» (Single Edit)
Now I'm Here Singel av Queen frå albumet Sheer Heart Attack | ||
B-side | ||
---|---|---|
Språk | engelsk | |
Utgjeve | 17. januar 1975 | |
Innspelt | September 1974 | |
Sjanger | Hardrock | |
Lengd | 4:12 | |
Selskap | EMI, Elektra | |
Komponist | Brian May | |
Tekstforfattar | Brian May | |
Låtskrivar(ar) | Brian May | |
Produsent | Roy Thomas Baker og Queen | |
Queen-kronologi | ||
«Killer Queen»/ «Flick of the Wrist» (1974) | Now I'm Here | «Lily of the Valley» (1975)
|
«Now I'm Here» er ein song av det britiske rockebandet Queen. Det er den sjette songen på det tredje albumet deira, Sheer Heart Attack, han vart skriven av gitaristen Brian May, medan han var på sjukehus med hepatitt. Songen er kjend for dei harde riffa og vokalharmoniane. I Storbritannia nådde singelen 11. plassen då han kom ut i 1975. Songen vart ein populær konsertlåt, og vart spelt på så godt som alle konsertane deira frå seint 1974 til 1986.
Songen omhandlar dei gode minnene til May frå den amerikanske turneen til bandet, då dei var oppvarmingsband for Mott the Hoople, tidlegare i 1974. Mott the Hoople er nemnt spesifikt i teksten, Down in the city, just Hoople and me.
Songen vart gjeven ut i 1981 på samlealbumet Greatest Hits, og i 1997 på Queen Rocks. I mars 2005 sette magasinet Q «Now I'm Here» på 33. plassen på lista si over dei 100 beste gitarlåtane.
«Now I'm Here» var fast på setlista til Queen og vart spelt på alle konsertane frå 1974 til den siste turneen deira i 1986. Han vart først framført på Sheer Heart Attack-turneen i Manchester den 30. oktober 1974. Songen var første gongen der QUeen nytta delay på vokalen til Mercury.
Under Sheer Heart Attack-turneen, song Mercury linja «Now I'm here» på den eine sida av scenen i mørkret og tørris, og nokre få takter seinare, song han igjen «Now I'm there», men då på andre sida av scnene, ein illusjon skapt av ein identisk kledd scenearbeidar.
Brian May fortsette å spele songen som soloartist etter at Mercury døydde i 1991. Han vart nytta som opningslåt under Queen + Adam Lambert Tour 2014–2015.
Land | Plassering | Veker på lista |
---|---|---|
Tyskland | 25 | 6 |
Japan | 87 | 7 |
Nederland | 32 | 3 |
Storbritannia | 11 | 7 |
This article uses material from the Wikipedia Nynorsk article Now I'm Here, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.