I Drove All Night

«I Drove All Night» er ein song skriven av Billy Steinberg og Tom Kelly og gjort kjend av Cyndi Lauper. Songen vart opphavleg meint for Roy Orbison, som spelte han inn i 1987, men utgåva hans vart ikkje gjeven ut før i 1992, etter Lauper sin versjon hadde nådd topp 10 på begge sider av Atlanteren i 1989. Songen har òg blitt spelt inn av Pinmonkey (2002), Celine Dion (2003) og The Protomen (2012), blant andre.

«I Drove All Night» vart spelt inn av Cyndi Lauper for det tredje soloalbumet hennar, A Night To Remember. Lauper sa ho ønskte å spele inn songen fordi ho likte ideen om «ei kvinne som køyrer, om ei kvinne i kontroll.» Songen nådde sjetteplassen på Billboard Hot 100 i USA og vart den siste topp 40-hitten hennar der. Songen vart òg ein hit mange andre land. Singelen selde til gullplate i USA og vart nominert til Grammy-prisen for beste kvinnelege rockesong.

Musikkvideoen for «I Drove All Night» var regissert av Scott Kalvert og Lauper, og syner bilete av ein veteranbil, Lauper som dansar og ein film projisert på den nakne kroppen til Lauper.

Lister

Jeff Lynne miksa innspelinga til Orbison frå 1987 på ny for det posthume albumet King Of Hearts, der «I Drove All Night» var ein av songane. Orbison sin versjon av songen vart gjeven ut som singel frå samlealbumet Nintendo: White Knuckle Scorin' i 1991. Songen vart ein stor hit i Storbritannia, der han nådde sjuandeplassen på UK Singles Chart, like høgt som Lauper sin versjon tre år tidlegare. King of Hearts og «I Drove All Night» vart godt motteke i USA, og gjekk inn på Billboard-lista.

Det vart laga ein musikkvideo for songen med Jason Priestley og Jennifer Connelly.

Countrybandet Pinmonkey spelte inn ein versjon av songen i 2002 for albumet Pinmonkey, gjeve ut på BNA Records. Songen vart gjeven ut som singel i 2002 og nådde 36. palssen på Billboard Hot Country Singles & Tracks (i dag Hot Country Songs). Det var den andre og siste singelen frå albumet.

Lister

«I Drove All Night» vart spelt inn av Celine Dion for albumet One Heart, som kom ut i 2003, og vart gjeven ut som den første singelen frå albumet 3. mars 2003. Songen vart nytta i ein reklame for Chrysler. Musikkvideoen for «I Drove All Night» vart regissert av Peter Arnell og kom i februar 2003. Singelen selde godt og nådde førsteplassen i Canada, der han låg i fem veker, og toppa singellistene i Belgia (Flandern) og Sverige.

Lister

Vekeslister

Årslister

• John Waite spelte inn songen i 1987 for albumet Rover's Return, men valde å ikkje gje ut songen.
• Det britiske bandet The Maccabees spelte songen, og gav han ut som bonusspor på det andre albumet deira, Wall Of Arms.
• Den sørafrikanske songaren Ray Dylan spelte inn songen, og hadde han med på albumet Ray Dylan Sings Roy Orbison.

• Det norske bandet The Dogs har ein versjon på samlealbumet Rid Me of Knives frå 2019.

• Heile songteksten på MetroLyrics